ప్రభాస్ సినిమా కోసం రెండేళ్లుగా ఎదురుగా చూస్తున్న అభిమానులకు ఆ రోజు రానే వచ్చింది. సాహో చిత్రం నేడు ప్రపంచ వ్యాప్తంగా విడుదలకానుంది. ఈ సినిమా దేశవ్యాప్తంగా 10వేల స్క్రీన్లపై ప్రదర్శితం కానుంది.
ఏపీలో ప్రత్యేక షోలు..
ఆంధ్రప్రదేశ్లో ఈ సినిమా ప్రత్యేక షోలకు ప్రభుత్వం అనుమతి ఇచ్చింది. సాధారణంగా ప్రదర్శించే నాలుగు షోలు కాకుండా అదనంగా 2 ప్రత్యేక షోలను నిర్వహించనున్నారు. ఆగస్టు 30 నుంచి సెప్టెంబరు 5 వరకు తెల్లవారుజామున ఒంటి గంట నుంచి రాత్రి 10 గంటల మధ్య ఈ షోలను ప్రదర్శిస్తారు. ఈ విషయంలో అభిమానులు ఆనందం వ్యక్తం చేస్తున్నారు. యూవీ క్రియేషన్స్ సంస్థ వినతి మేరకు ప్రభుత్వం అనుమతి ఇచ్చింది.