'సాహో' దర్శకుడు సుజీత్.. ఓ ఇంటివాడయ్యాడు

డైరెక్టర్ సుజీత్ వివాహం కరోనా వల్ల చాలా నిరాడంబరంగా జరిగింది. ప్రస్తుతం ఇతడు 'లూసిఫర్' రీమేక్​ స్క్రిప్ట్​ను సిద్ధం చేస్తున్నారు.

టాలీవుడ్​ యువ దర్శకుడు సుజీత్.. ఓ ఇంటివాడయ్యారు. ప్రేయసి ప్రవల్లికను పెద్దలను ఒప్పించి పెళ్లి చేసుకున్నారు. కరోనా ప్రభావం ఉండటం వల్ల ఇరుకుటుంబాలకు చెందినవారు మాత్రమే ఈ కార్యక్రమానికి హాజరయ్యారు.

ఈ లాక్​డౌన్​లోనే యువ హీరోలు నిఖిల్, నితిన్, నిర్మాత దిల్​రాజు, హాస్యనటుడు మహేశ్​ల వివాహాలు జరిగాయి. వీరిబాటలో సుజీత్ కూడా నిరాడంబరంగా పెళ్లి చేసుకున్నారు.

దర్శకుడు సుజీత్ పెళ్లి ఫొటో

'రన్ ​రాజా రన్'తో దర్శకుడిగా పరిచయమైన సుజీత్.. రెండో సినిమా 'సాహో'తో ఏకంగా డార్లింగ్ ప్రభాస్​ను డైరెక్ట్ చేశారు. ప్రస్తుతం మెగాస్టార్ చిరంజీవితో 'లూసిఫర్' రీమేక్​ చేయనున్నారు. ప్రస్తుతం స్క్రిప్ట్ పనులు జరుగుతున్నాయి.