ప్రియురాలితో 'సాహో' దర్శకుడి నిశ్చితార్థం

'సాహో' దర్శకుడు సుజీత్​ త్వరలోనే ఓ ఇంటివాడు కాబోతున్నాడు. తాజాగా ఈ డైరెక్టర్​కు తన ప్రియురాలు ప్రవల్లికతో నిశ్చితార్థం జరిగింది.

తెలుగు యువదర్శకుడు సుజీత్‌ ఇప్పుడు ఓ ఇంటివాడు కాబోతున్నాడు. ఆయనకు తను ప్రేమించిన ప్రియురాలు ప్రవల్లికతో పెళ్లికానుంది. తాజాగా వీరిద్దరి నిశ్చితార్థం బుధవారం గోల్కొండ రిసార్ట్స్ లో జరిగింది. ప్రవల్లిక దంత వైద్యురాలిగా పనిచేస్తోంది.

'రన్‌ రాజా రన్' చిత్రంతో దర్శకుడిగా సినీరంగ ప్రవేశం చేసిన సుజీత్‌ 'సాహో'తో దేశవ్యాప్తంగా గుర్తింపు దక్కించుకున్నాడు. ఇందులో కథానాయకుడిగా ప్రభాస్‌, హీరోయిన్‌గా శ్రద్దా కపూర్‌ నటించి అలరించారు. ఈ చిత్రం అటు హిందీతో పాటు దక్షిణాదిలోనూ విడుదలై ఆకట్టుకుంది. ప్రస్తుతం మెగాస్టార్‌ చిరంజీవి కథానాయకుడిగా మలయాళంలో వచ్చిన 'లూసిఫర్'‌ రీమేక్​కు దర్శకత్వం వహించనున్నాడు.