మూడొందల కోట్లకు చేరువలో 'సాహో' వసూళ్లు

డార్లింగ్ ప్రభాస్ నటించిన 'సాహో'.. ప్రపంచవ్యాప్తంగా మూడు రోజుల్లోనే రూ.294 కోట్ల గ్రాస్​ సాధించింది. ఈ విషయాన్ని నిర్మాతలు అధికారికంగా ప్రకటించారు.

యంగ్​ రెబల్ స్టార్ ప్రభాస్​ 'సాహో' బాక్సాఫీస్​ వద్ద ప్రభంజనం సృష్టిస్తోంది. కోట్లకు కోట్లు వసూళ్లు సాధిస్తూ రికార్డులు నమోదు చేస్తోంది. విడుదలైన మూడు రోజుల్లో రూ.294 కోట్ల గ్రాస్​ సాధించిందని చిత్ర నిర్మాణ సంస్థ యూవీ క్రియేషన్స్​.. సామాజిక మాధ్యమాల్లో వెల్లడించింది.

దక్షిణాది సినిమా అయినప్పటికీ ఉత్తరాదిలోనూ 'సాహో' సునామీ సాగుతోంది. అక్కడ మూడు రోజుల్లో రూ.79.08 కోట్ల షేర్​ దక్కించుకున్నట్లు ప్రముఖ సినీ విశ్లేషకుడు తరణ్​ ఆదర్శ్​ ​ ట్విట్టర్​లో వెల్లడించాడు. ఇలా అన్నిచోట్ల వసూళ్ల పరంపర కొనసాగిస్తున్న 'సాహో'.. ఈ వారంలో ఇంకెన్ని రికార్డులు తిరగరాస్తుందో చూడాలి.

యాక్షన్ ఎంటర్​టైనర్​గా రూపొందిన 'సాహో'లో శ్రద్ధా కపూర్ హీరోయిన్. అరుణ్ విజయ్, జాకీష్రాఫ్, మందిరా బేడీ, మహేశ్​ మంజ్రేకర్, టిను ఆనంద్, చుంకీ పాండే లాంటి నటులు కీలక పాత్రలు పోషించారు. సుజీత్ దర్శకత్వం వహించాడు. యూవీ క్రియేషన్స్​ నిర్మాతగా వ్యవహరించింది.

ఇది చదవండి: 'వాల్మీకి' తోడుగా శ్రీదేవి ఉండగా.. అభిమానులకు పండగే