టాలీవుడ్ యువహీరో కార్తికేయ భావోద్వేగంతో ట్వీట్ చేశారు. సరిగ్గా రెండేళ్ల క్రితం ఇదే రోజు తాను మళ్లీ పుట్టానని, అందుకు కారణమైన తన తండ్రి అజయ్ భూపతికి(దర్శకుడు) జీవితాంతం రుణపడి ఉంటానని తెలిపారు. తాను నటించిన 'ఆర్ఎక్స్ 100' విడుదలై, రెండు సంవత్సరాలు పూర్తయిన సందర్భంగా ఇలా తన ఆనందాన్ని వ్యక్తం చేశారు.
"జులై 12.. నా జీవితంలో లేచి నిలబడిన రోజు. అద్భుతాలపై నమ్మకం, కలలపై విశ్వాసం, జీవితంలో ఆశ కల్పించిన రోజు ఇదే. సరిగ్గా రెండేళ్ల క్రితం ఇదే రోజు మళ్లీ పుట్టాను. నా పునర్జన్మ తండ్రి అజయ్ భూపతికి జీవితాంతం రుణపడి ఉంటాను" -కార్తికేయ, యువ కథానాయకుడు
దర్శకుడు అజయ్ భూపతితో హీరో కార్తికేయ