బాలకృష్ణ హీరోగా కేఎస్ రవికుమార్ దర్శకత్వంలో తెరకెక్కిన చిత్రం 'రూలర్'. తాజాగా ఈ సినిమా రెండో ట్రైలర్ను విడుదల చేసింది చిత్రబృందం. బాలయ్య డైలాగ్లు, యాక్షన్ సన్నివేశాలు ఆకట్టుకునేలా ఉన్నాయి.
పవర్‌ఫుల్‌ యాక్షన్ సన్నివేశాలతో ఈ ప్రచార చిత్రాన్ని రూపొందించారు. "ఏరా.. యూపీ వాడికి తెలుగు వాడు యముడిలా కనిపిస్తున్నాడా?", "సామాన్యుడు కూడా బందిపోట్లు, దారి దోపిడీలకు అలవాటు పడుతున్నాడంటే కారణం ఆకలి.. ముందు ఆ ఆకలిని చంపాలి", "ఈ పొలిటికల్‌ పవర్‌ నువ్వు తీసుకున్న డిగ్రీ అనుకున్నావా.. నువ్వు చచ్చే వరకూ నీతో ఉంటుందనుకోవడానికి.. ఎలక్షన్‌.. ఎలక్షన్‌కి పవర్‌ కట్‌ అయిపోద్ది రా.." అనే డైలాగ్లు అలరిస్తున్నాయి.