RRR USA premiers: మార్చి 25న 'ఆర్ఆర్ఆర్' చిత్రం విడుదల కానుంది. ఈ సందర్భంగా ఎన్టీఆర్ వీరాభిమాని ఒకరు.. ప్రీమియర్షో కోసం ఏకంగా థియేటర్నే బుక్చేశాడు. అమెరికా ఫ్లోరిడాలోని టెన్సిల్ నగరంలోని థియోటర్లో మొత్తం 75 టికెట్లను కొనుగోలు చేశాడు. ఈ టికెట్లను సామజిక మాధ్యమాల్లో పోస్ట్ చేయగా వైరల్గా మారింది.
ఇక దర్శకధీరుడు రాజమౌళి తెరకెక్కించిన 'ఆర్ఆర్ఆర్'విడుదలకు ముందే పలు రికార్డులను అందుకుంటోంది. ఈ క్రమంలోనే అమెరికాలో అడ్వాన్స్ బుకింగ్స్ ఓపెన్ చేసిన 10 గంటల్లోనే దాదాపు 5 లక్షల డాలర్లను(హాఫ్ మిలియన్) సంపాదించింది.
లండన్లో ఒడియన్ బీఎఫ్ఐ ఐమాక్స్లోనూ 'ఆర్ఆర్ఆర్' ప్రదర్శనకానుంది. యూకేలోనే ఇది అతి పెద్ద ఐమ్యాక్స్ థియేటర్ అవ్వడం విశేషం. కాగా, ఈ తెరపై ప్రదర్శనకానున్న తొలి భారతీయ చిత్రం కూడా ఇదే.