'ఆర్ఆర్ఆర్'లో ఆ ఫైట్​ కోసం 50 రాత్రులు

లాక్​డౌన్​ తర్వాత తిరిగి మొదలైన 'ఆర్ఆర్ఆర్'.. ఓ షెడ్యూల్​నూ పూర్తి చేసుకుంది. ఇందులో భారీ పోరాటాన్ని చిత్రీకరించారు. త్వరలో కొత్త షెడ్యూల్​ను ప్రారంభించనున్నట్లు వెల్లడించారు.

దర్శకుడు రాజమౌళి తీస్తున్న ప్రతిష్టాత్మక చిత్రం 'ఆర్ఆర్ఆర్'.. భారీ షెడ్యూల్​ను పూర్తి చేసుకుంది. దాదాపు 50 రాత్రుల పాటు సాగిన చిత్రీకరణలో భారీ యాక్షన్ సీక్వెన్స్​ను తెరకెక్కించారు. ఈ విషయాన్ని చిత్రబృందం ట్వీట్ చేసింది. త్వరలో అద్భుతమైన లోకేషన్స్​లో కొత్త షెడ్యూల్​ మొదలుపెట్టనున్నట్లు ప్రకటించింది.

రామ్​చరణ్ అల్లూరి సీతారామరాజుగా, జూ.ఎన్టీఆర్ కొమరం భీమ్​గా ఇందులో నటిస్తున్నారు. ఇప్పటికే విడుదలైన వారిద్దరి టీజర్లు అభిమానుల్ని అలరిస్తున్నాయి. ఆలియా భట్, ఒలీవియా మోరిస్ హీరోయిన్లు. అజయ్ దేవ్​గణ్, శ్రియ, సముద్రఖని, రే స్టీవెన్​సన్, అలీసన్ డూడీ తదితరులు కీలకపాత్రలు పోషిస్తున్నారు. కీరవాణి సంగీతమందిస్తున్నారు. డీవీవీ దానయ్య.. సుమారు రూ.400 కోట్లతో ఈ చిత్రాన్ని నిర్మిస్తున్నారు. థియేటర్లలో వచ్చే ఏడాది విడుదల కానున్నట్లు ఇప్పటికే ప్రకటించారు.

రామ్​చరణ్-జూ.ఎన్టీఆర్