అభిమానులకు షాక్.. వచ్చే సంక్రాంతికి 'ఆర్ఆర్ఆర్'

17:26 February 05

పండగ బరిలో రాజమౌళి 'ఆర్ఆర్ఆర్'

ఆర్ఆర్ఆర్ విడుదల తేదీపై అధికారిక పోస్టర్

దర్శకధీరుడు ఎస్.ఎస్.రాజమౌళి తీస్తున్న  ప్రతిష్ఠాత్మక చిత్రం 'ఆర్ఆర్ఆర్' విడుదల తేదీ మారింది. వచ్చే ఏడాది సంక్రాంతి కానుకగా జనవరి 8న ప్రేక్షకుల ముందుకు రానుంది. ఈ విషయమై అధికారికంగా ప్రకటించడం సహా ఓ పోస్టర్​ను విడుదల చేసింది చిత్రబృందం. 

ఈ ఏడాది జులై 30న 'ఆర్ఆర్ఆర్'ను విడుదల చేస్తామని, సినిమా ప్రకటించినపుడే చెప్పారు. కానీ ఇటీవలే ఆ తేదీ మారిందని పలు వదంతులు వినిపించాయి. దసరాకు రావొచ్చని అనుకున్నారు. కానీ వాటికి చెక్ పెడుతూ, రిలీజ్​ డేట్​ను ఖరారు చేసింది చిత్రబృందం.

ఇందులో రామ్​చరణ్.. అల్లూరి సీతారామరాజు పాత్రలో, ఎన్టీఆర్.. కొమరం భీమ్​గా కనిపించనున్నారు. దాదాపు రూ.350 కోట్లతో తెరకెక్కుతోంది. అజయ్ దేవగణ్, సముద్రఖని, హాలీవుడ్ నటులు రే స్టీవెన్​సన్, అలిసన్ డూడీ కీలక పాత్రలు పోషిస్తున్నారు. కీరవాణి సంగీత దర్శకత్వం వహిస్తున్నాడు.