RRR pre release event in Dubai: మెగాపవర్ స్టార్ రామ్చరణ్, యంగ్ టైగర్ ఎన్టీఆర్ కలిసి నటించిన 'ఆర్ఆర్ఆర్' సినిమా గురించి ఓ ఆసక్తికరమైన వార్త ఒకటి బయటకు వచ్చింది. ఈ చిత్ర ప్రీ రిలీజ్ ఈవెంట్ను దుబాయ్లో గ్రాండ్గా నిర్వహించడానికి ప్లాన్ చేస్తున్నారని కొద్ది రోజులు క్రితం అంతా మాట్లాడుకున్నారు. అయితే ఇప్పుడా కార్యక్రమం అక్కడే ఘనంగా జరపాలని, హాలీవుడ్ యాక్షన్ హీరో టామ్ క్రూజ్ను ముఖ్య అతిథిగా పిలవాలని చిత్రబృందం భావిస్తోందట. మార్చి 1న ఈ వేడుక నిర్వహించాలని నిర్ణయించుకున్నట్లు తెలిసింది. అందుకు సంబంధించిన ఏర్పాట్లు కూడా చేస్తుందని తెలుస్తోంది. మరి ఇందులో నిజమెంతో తెలియాలంటే అధికార ప్రకటన వచ్చే వరకు వేచి ఉండాల్సిందే.
కాగా, పరిస్థితి అంతా బాగుండి ఉంటే ఈ సినిమా మార్చి 7నే థియేటర్లలో విడుదల కావాల్సింది. కానీ కరోనా వల్ల అలా జరగలేదు. ఇప్పుడీ ఈ చిత్రాన్ని మార్చి 25న రిలీజ్ చేయనున్నారు.