'బాహుబలి' చిత్రాల తర్వాత దర్శకధీరుడు ఎస్‌.ఎస్‌ రాజమౌళి నుంచి రాబోతున్న మరో ప్రతిష్టాత్మక చిత్రం 'ఆర్ఆర్ఆర్'. యంగ్‌టైగర్‌ ఎన్టీఆర్ కొమురం భీమ్‌గా, మెగాపవర్‌స్టార్‌ రామ్చరణ్ అల్లూరి సీతారామరాజుగా ప్రధాన పాత్రల్లో నటిస్తున్నారు. తాజాగా ఈ సినిమా నుంచి ఆసక్తికర విషయం ఒకటి బయటకొచ్చింది. అల్లూరి తొలిసారి కొమురం భీమ్‌ను ఎలా కలుసుకుంటాడు అన్న విషయం లీకయింది.
రాజమౌళి ఈ చిత్రాన్ని స్వాతంత్య్ర సమరయోధులు అల్లూరి, కొమురం భీమ్‌ల జీవితాల స్ఫూర్తితో ఓ ఫిక్షనల్‌ స్టోరీగా రూపొందిస్తున్నాడు. ఈ కథ ప్రకారం యుక్త వయసులో ఇంటి నుంచి బయటకొచ్చిన అల్లూరి, కొమురం ఒకరికొకరు స్ఫూర్తిగా స్వాతంత్య్ర పోరులో కత్తి దూస్తారు. అయితే ఈ సినిమాలో వీళ్లిద్దరూ తొలిసారి ఎలా కలుసుకుంటారనేది జక్కన్న తనదైన శైలిలో ఆసక్తికరంగా రాసుకున్నాడట.