RRR in UK Big Screen: దర్శకధీరుడు రాజమౌళి తెరకెక్కించిన 'ఆర్ఆర్ఆర్' సినిమా మరో అరుదైన ఘనతను సాధించనుంది! లండన్లో ఒడియన్ బీఎఫ్ఐ ఐమాక్స్లో ఈ మూవీ ప్రదర్శనకానుంది. యూకేలోనే ఇది అతి పెద్ద ఐమ్యాక్స్ థియేటర్ అవ్వడం విశేషం. కాగా, ఈ తెరపై ప్రదర్శనకానున్న తొలి భారతీయ చిత్రం ఇదే. యూకేలో దాదాపు 1000 స్క్రీన్లపై 'ఆర్ఆర్ఆర్' రిలీజ్ కానున్నట్లు తెలిసింది. కాగా, ఈ చిత్రం ప్రపంచవ్యాప్తంగా మార్చి 25న విడుదల కానుంది. దాదాపు రూ.450కోట్ల భారీ బడ్జెట్తో నిర్మించిన ఈ మూవీలో రామ్చరణ్, ఎన్టీఆర్ ప్రధాన పాత్రలు పోషించారు. అజయ్ దేవగణ్, ఆలియా భట్, శ్రియ కీలక పాత్రలో నటించారు.
మరోవైపు ఈ చిత్ర ప్రీ రిలీజ్ ఈవెంట్ను దుబాయ్లో గ్రాండ్గా నిర్వహించాలని చిత్రబృందం ప్లాన్ చేస్తున్నట్లు తెలుస్తోంది. హాలీవుడ్ యాక్షన్ హీరో టామ్ క్రూజ్ను ముఖ్య అతిథిగా పిలవాలని భావిస్తోందట.
ఆస్ట్రాలజీ కౌంటర్
అభిమానులు ఎంతో ఆసక్తిగా ఎదురుచూస్తున్న ప్రభాస్ 'రాధేశ్యామ్' ఎట్టకేలకు విడుదలకు సిద్ధమైంది. మార్చి 11న ప్రేక్షకుల ముందుకు రానుంది. ఈ నేపథ్యంలో ప్రమోషన్స్ను వేగవంతం చేసిన చిత్రబృందం... ఇప్పుడు వినూత్నంగా చేయడం ప్రారంభించింది. జోతిష్యం, హస్తసాముద్రికం నేపథ్యంలో వస్తున్న సినిమా అవ్వడం వల్ల దేశవ్యాప్తంగా పలు సెంటర్లలో ఆస్ట్రాలజీ కౌంటర్లను ఏర్పాటు చేసింది. అక్కడ జోతిష్యం చెప్తూ సినిమాకు ప్రమోషన్స్ చేస్తున్నారు. ఈ వినూత్న ప్లాన్కు ప్రేక్షకుల నుంచి విశేష స్పందన లభిస్తున్నట్లు తెలుస్తోంది.
కాగా, రొమాంటిక్ లవ్స్టోరీగా తెరకెక్కిన ఈ సినిమాకు దర్శకధీరుడు రాజమౌళి వాయిస్ ఇచ్చారు. ప్రభాస్ సరసన పూజాహెగ్డే హీరోయిన్గా నటించింది. కృష్ణంరాజు కీలకపాత్ర పోషించారు. జస్టిన్ ప్రభాకరన్ పాటలు స్వరపరచగా, తమన్ బ్యాక్గ్రౌండ్ మ్యూజిక్ అందించారు. రాధాకృష్ణ కుమార్ దర్శకత్వం వహించారు. యూవీ క్రియేషన్స్- గోపీకృష్ణ మూవీస్ సంయుక్తంగా నిర్మించాయి.
ఇదీ చూడండి: రిలీజ్ డేట్స్తో షారుక్, వరుణ్.. ఆ హీరోకు 'ఆర్ఆర్ఆర్' టీమ్ థ్యాంక్స్
