'ఆర్ఆర్ఆర్' సినిమా సెన్సార్ పూర్తయింది. యూఏ సర్టిఫికెట్ సొంతం చేసుకుంది. 186 నిమిషాలు అంటే మూడు గంటల ఆరు నిమిషాల నిడివితో ఈ చిత్రం థియేటర్లలోకి ప్రదర్శితం కానుంది. ఈ విషయాన్ని బుధవారం వెల్లడించారు.
'ఆర్ఆర్ఆర్' ట్రైలర్ డిసెంబరు 9న సాయంత్రం 4 గంటలకు విడుదల కానుంది. దీంతో ఇప్పటికే అంచనాలు ఓ రేంజ్లో ఉన్నాయి. మూడు నిమిషాల నిడివితో ట్రైలర్ ఉందని టాక్ వినిపిస్తోంది.
ఈ సినిమాలో రామ్చరణ్ అల్లూరి సీతారామరాజుగా, ఎన్టీఆర్ కొమరం భీమ్గా నటించారు. ఆలియా భట్, ఒలీవియా మోరిస్ హీరోయిన్లు. అజయ్ దేవ్గణ్, సముద్రఖని, శ్రియ తదితరులు కీలకపాత్రలు పోషించారు. కీరవాణి సంగీతమందించారు. రాజమౌళి దర్శకత్వం వహించారు. డీవీవీ దానయ్య.. దాదాపు రూ.450 కోట్ల భారీ బడ్జెట్తో 'ఆర్ఆర్ఆర్'ను నిర్మించారు. జనవరి 7న ప్రపంచవ్యాప్తంగా థియేటర్లలో విడుదల కానుందీ సినిమా.
ఇవీ చదవండి: