ప్రపంచవ్యాప్తంగా ఎంతోమంది అభిమానులు ఆసక్తిగా ఎదురుచూస్తున్న సినిమా 'ఆర్ఆర్ఆర్'(rrr release date). షూటింగ్ పూర్తయి, ప్రస్తుతం పోస్ట్ ప్రొడక్షన్ దశలో ఉంది. ఈ చిత్రం నుంచి మరో అప్డేట్ వచ్చింది. ప్రముఖ థియేటర్ల సంస్థ పీవీఆర్.. ఈ సినిమా(rrr teaser) కోసం తమ పేరు మార్చుకుంది. రాబోయే కొన్ని నెలల పాటు PV'RRR'గానే థియేటర్లపై పేరు ఉండనుంది. ముంబయి అంధేరీలోని ఓ థియేటర్లో చిత్ర దర్శకుడు రాజమౌళి శుక్రవారం ఈ లోగోను ఆవిష్కరించారు.
అయితే ఓ సినిమా కోసం తమ సంస్థ పేరు మార్చుకోవడం ప్రపంచంలోనే ఇది తొలిసారి. ఈ ట్రెండ్ భవిష్యత్తులోనూ మరింతగా ఉండే అవకాశముంది. మన దేశంలోని పీవీఆర్కు చెందిన 850కి పైగా స్క్రీన్లతో పాటు 70కి పైగా నగరాల్లో ఉన్న 170కి పైగా బిల్డింగ్లపై PV'RRR' అనే పేరు దర్శనమివ్వనుందని ఆర్ఆర్ఆర్ చిత్రబృందం ట్వీట్ చేసింది.