ట్రైలర్: బ్యాట్​మన్​గా అలరిస్తోన్న రాబర్ట్ ప్యాటిన్సన్

డీసీ కామిక్స్ నుంచి ఎంతో ప్రాచుర్యం పొందిన 'బ్యాట్​మన్' ఫ్రాంచైజీ నుంచి 'ద బ్యాట్​మన్' చిత్రం రాబోతుంది. దీనికి మ్యాట్ రీవ్స్ దర్శకత్వం వహించారు. తాజాగా ఈ సినిమా ట్రైలర్​ను విడుదల చేసింది చిత్రబృందం.

డీసీ కామిక్స్​ నుంచి వచ్చి ఎంతో ప్రాచుర్యం పొందిన 'బ్యాట్​మన్​'కు ప్రపంచవ్యాప్తంగా అభిమానులున్నారు. తాజాగా ఈ ఫ్రాంచైజీ నుంచి కొత్త సినిమా రాబోతుంది. 'ద బ్యాట్​మన్' టైటిల్​తో తెరకెక్కుతోన్న ఈ చిత్రంలో రాబర్ట్ ప్యాటిన్సన్ తొలిసారి బ్యాట్​మన్​గా కనిపించనున్నాడు. తాజాగా ఈ సినిమా ట్రైలర్​ను విడుదల చేశారు చిత్ర దర్శకుడు మ్యాట్ రీవ్స్.

తొలిసారిగా చేస్తున్నా.. ప్యాటిన్సన్ బ్యాట్​మన్​గా ఆకట్టుకున్నాడు. ఇంతకుముందు బెన్ అఫ్లెక్, క్రిస్టియన్ బేల్, జార్జ్ క్లూనీ, మైఖెల్ కీటోన్ ఈ పాత్రలు పోషించి మెప్పించారు. దీంతో ప్యాటిన్సన్​ బ్యాట్​మన్​గా ఎలా నటిస్తాడా అంటూ అభిమానులు ఆసక్తిగా ఎదురుచూస్తున్నారు. సెప్టెంబర్​లో తిరిగి షూటింగ్ ప్రారంభించుకోనున్న ఈచిత్రం 2021 అక్టోబర్​లో విడుదల కానుంది.