సినీ పరిశ్రమలో విషాదం.. ప్రముఖ హీరో తండ్రి మృతి

ప్రపంచవ్యాప్తంగా తన నటనతో అలరించిన మార్వెల్​ హీరో 'ఐరన్​ మ్యాన్​' నటుడు రాబర్ట్​ డౌనీ జూనియర్(Robert Downey Jr.) ఇంట్లో విషాదం నెలకొంది. ఆయన తండ్రి, ప్రముఖ హాలీవుడ్​ ఫిల్మ్​మేకర్​ రాబర్ట్​ డౌనీ సీనియర్(Robert Downey Sr.)​(85) మరణించారు. ఈ విషయాన్ని హీరో రాబర్ట్​ డౌనీ జూనియర్​ ఇన్​స్టాగ్రామ్​ ద్వారా తెలియజేశారు.

'ఐరన్​ మ్యాన్​'గా తెలుగు ప్రేక్షకులకు సుపరిచితమైన హాలీవుడ్ హీరో రాబర్ట్​ డౌనీ జూనియర్​(Robert Downey Jr.) ఇంట్లో విషాదం నెలకొంది. తన తండ్రి, ప్రముఖ దర్శకుడు రాబర్ట్​ డౌనీ సీనియర్​(85) మంగళవారం కన్నుమూసినట్లు ఆయన ఇన్​స్టాగ్రామ్​లో వెల్లడించారు. తన తండ్రి ఐదేళ్లుగా నరాల వ్యాధితో బాధపడుతున్నట్లు తెలిపారు. రాబర్ట్​ డౌనీ సీనియర్​(Robert Downey Sr.).. 'పుట్నీ స్వోప్​' చిత్రంతో దర్శకుడిగా గుర్తింపు పొందారు.

1936, జూన్​ 24న అమెరికాలోని న్యూయార్క్​లో జన్మించిన రాబర్ట్​ ఎలియాస్​​.. తన సవతి తండ్రి జేమ్స్​ డౌనీ గౌరవార్థం రాబర్ట్​ డౌనీ(సీనియర్గా​) తన పేరును మార్చుకున్నారు. రాబర్ట్​ డౌనీ సీనియర్​.. చిత్రసీమలో అడుగుపెట్టక ముందు కొన్నేళ్లు అమెరికా ఆర్మీలో చేరి దేశ సేవ చేశారు. అక్కడ సర్వీస్​ పూర్తి చేసుకున్న తర్వాత సినిమాల్లో అడుగుపెట్టారయ​. దర్శకుడిగా మారిన తొలినాళ్లలో లఘుచిత్రాలను రూపొందించిన ఆయన.. 'బేబో 73', 'నో మోర్​ ఎక్స్​క్యూజెస్​' చిత్రాలతో దర్శకుడి మారారు. కానీ 1969లో విడుదలైన 'పుట్నీ స్వోప్​' సినిమాతో డైరెక్టర్​గా గుర్తింపు తెచ్చుకున్నారు.

ఇదీ చూడండి..Cannes Film Festival: రెడ్​ కార్పెట్​పై తారల సందడి