'కార్తికేయ 2'లో ఛాన్స్​ కొట్టేసిన రీతూ?

టాలీవుడ్ హీరోయిన్​ రీతూ వర్మ.. 'కార్తికేయ 2'లో నటించనుందని సమాచారం. త్వరలోనే అధికారిక ప్రకటన వెలువడనున్నట్లు తెలుస్తోంది.

'పెళ్లి చూపులు' సినిమాలో విజయ్​ దేవరకొండ సరసన నటించి ప్రేక్షకులను మెప్పించిన హీరోయిన్​ రీతూ వర్మ. ప్రస్తుతం వరుస చిత్రాలతో బిజీగా గడుపుతోందీ ముద్దుగుమ్మ. ఇప్పటికే నాలుగు చిత్రాలు చేతిలో ఉండగా.. కొత్తగా మరో సినిమాకూ ఓకే చెప్పినట్లు సమాచారం. నిఖిల్​ హీరోగా తెరకెక్కుతున్న 'కార్తికేయ 2'లో రీతూ ఛాన్స్​ కొట్టేసిందట. త్వరలోనే అధికారిక ప్రకటన వెలువడనున్నట్లు తెలుస్తోంది. ప్రస్తుతం శర్వానంద్​తో ఓ ద్విభాషా చిత్రంలో నటిస్తోంది. నాని సినిమా 'టక్​ జగదీశ్'​లోనూ కనిపించనుందీ భామ.

యువ దర్శకుడు చందు మొండేటి 'కార్తికేయ 2'ను తెరకెక్కిస్తున్నాడు. పీపుల్ మీడియా ఫ్యాక్టరీ పతాకంపై టి.జి. విశ్వప్రసాద్​, వివేక్​ కూచిభొట్ల సంయుక్తంగా నిర్మిస్తున్నారు. ఇటీవలే విడుదల చేసిన కాన్సెప్ట్​ వీడియోతో ప్రేక్షకుల్లో సినిమాపై అంచనాలు తారస్థాయికి చేరుకున్నాయి.