ట్రంప్​పై హీరోయిన్​ రిచా ఆగ్రహం.. ఎందుకంటే?

అమెరికా అధ్యక్షుడు ట్రంప్​ పాలన అసమర్థంగా ఉందని విమర్శించింది నటి రిచా గంగోపాధ్యాయ. ఆయన మద్దతుదారుల సోషల్​​మీడియా ఖాతాలను బ్లాక్​ చేయనున్నట్లు ట్వీట్​ చేసింది.

ట్రంప్ పాలనా శైలి, ఆయన విధానాలపై హాలీవుడ్​ నటులు బహిరంగంగానే విమర్శిస్తున్నారు. అయితే తాజాగా ఈ జాబితాలోకి నటి రిచా గంగోపాధ్యాయ కూడా చేరిపోయింది. ఈ మేరకు ట్రంప్​ మద్దతుదారుల సోషల్​మీడియా ఖాతాలను బ్లాక్​ చేస్తున్నట్లు స్పష్టం చేసింది.

"నా ట్విట్టర్​ టైమ్​లైన్​ కలుషితం కాకుండా ట్రంప్​​ మద్దతుదారులు, ఈఎస్​పీ నాన్​-అమెరికన్స్​ను​ బ్లాక్​ చేయాలని నిశ్చయించుకున్నాను. డొనాల్డ్​ అసమర్థత పాలన, మనుషుల పట్ల భయంకరంగా ప్రవర్తించే తీరు వారికి అర్థమవ్వాలని ప్రయత్నిస్తున్నా."

-రిచా గంగోపాధ్యాయ, కథానాయిక.

"అమెరికాకు వెళ్లిన తర్వాత ఎందుకు ఏడుస్తున్నావు?" అంటూ ఓ నెటిజన్​ కామెంట్​ పెట్టాడు. నేను 22 ఏళ్లుగా ఈ దేశపు పౌరురాలుని, సినీకెరీర్​కు గుడ్​బై చెప్పాక ఇక్కడే స్థిరపడిపోయానంటూ నటి రిచా బదులిచ్చింది. కొంతకాలం క్రితం ఓ అమెరికన్​ను పెళ్లి చేసుకుందీ అందాల భామ.

ఇది చూడండి : రచయితగా మారిన విలన్​- వలసకూలీలపై పుస్తకం