రియా చక్రవర్తికి జ్యుడిషియల్​ కస్టడీ పొడిగింపు

డ్రగ్స్​ వ్యవహారం కేసులో ఇటీవలే అరెస్టయిన రియా చక్రవర్తికి అక్టోబరు 6వరకు జ్యుడిషియల్​ కస్టడీని పొడిగించింది ప్రత్యేక న్యాయస్థానం. ఇప్పటికే రియాతో పాటు ఆమె సోదరుడు షోయిక్​, పలువురిని ఎన్​సీబీ అధికారులు అదుపులోకి తీసుకున్నారు.

బాలీవుడ్ నటుడు సుశాంత్ రాజ్​పుత్​ కేసు డ్రగ్స్ కోణానికి సంబంధించిన విచారణలో భాగంగా ఇటీవలే అరెస్టయిన.. నటి రియా చక్రవర్తిని ఎన్​సీబీ అధికారులు ప్రత్యేక న్యాయస్థానం ముందు హాజరుపరిచారు. ఈ క్రమంలోనే ఆమె జ్యుడిషియల్​ కస్టడీని అక్టోబరు 6వరకు పొడిగించింది కోర్టు.

అంతకుముందు సెప్టెంబరు 11న రియాతో పాటు అరెస్టయిన ఇతరుల బెయిల్ పిటిషన్​ను స్పెషల్​ కోర్టు తిరస్కరించింది.