సుశాంత్ కోసం రియా సినిమా ఆఫర్లు వదులుకుంది?

బాలీవుడ్​ నటుడు సుశాంత్​ మానసిక సమస్య నుంచి బయటపడేందుకు రియాతో కలిసి ఎన్నో జాగ్రత్త చర్యలు తీసుకున్నట్లు తెలిపారు వీరిద్దరి​ స్నేహితులు. అతడిని మళ్లీ మాములు మనిషిని చేసేందుకు రియా​ తన సినిమా ఆఫర్లు కూడా వదిలేసుకుందని చెప్పారు.

బాలీవుడ్ నటుడు సుశాంత్ సింగ్ ఆత్మహత్య కేసులో రోజుకో విషయం బయటకు వస్తోంది. తాజాగా సుశాంత్‌, రియాకు మధ్య ఉన్న బంధం గురించి పలు విషయాలు తెలిపారు వీరిద్దరి కామన్​ స్నేహితులు. రాజ్​పుత్​ను మానసిక సమస్య నుంచి బయట పడేసేందుకు రియాతో కలిసి ఎన్నో జాగ్రత్త చర్యలు తీసుకున్నట్లు తెలిపారు. అతడిని పూర్తి ఆరోగ్యవంతుడిగా మార్చేందుకు రియా తన సినిమా ఆఫర్లను పక్కనబెట్టి మరీ బాగా చూసుకుందని చెప్పారు.

అయితే సుశాంత్ బైపోలార్​ డిజార్డర్​​ సమస్యతో బాధపడుతున్నట్లు చిత్రసీమకు తెలియకుండా​రహస్యంగా ఉంచాడని స్నేహితులు తెలిపారు. ఈ విషయాన్ని అతడి కుటుంబం కూడా దాచిపెట్టిందని అన్నారు.

సుశాంత్​ మానసిక ఆరోగ్యం మెరుగుపడేందుకు.. తాము ఉంటోన్న గదిలో నుంచి 2019లో విశాలంగా ఉండే ఓ కొత్త ఇంటికి వారు మారారని వెల్లడించారు. ఆ క్రమంలోనే ఇంట్లో పనిచేసే సిబ్బందిని కూడా మార్చారని చెప్పుకొచ్చారు.

జూన్ 14న సుశాంత్ ముంబయిలోని తన ఫ్లాట్‌లో అనుమానాస్పద స్థితిలో మృతి చెందగా.. ఇప్పుడు ఆ కేసును సీబీఐ విచారిస్తోంది.

ఇది చూడండి విజయ్​ దేవరకొండ 'ప్రియనేస్తాలు' ఎవరో తెలుసా...?