వివాదాలకు కేరాఫ్ అడ్రస్ అయిన దర్శకుడు రామ్గోపాల్ వర్మ. బయోపిక్ల స్పెషలిస్ట్గా గుర్తింపు పొందిన ఆర్టీవీ.. ఇటీవలే 'పవర్స్టార్' సినిమాతో నెట్టింట తీవ్ర విమర్శలు ఎదుర్కొన్నాడు. ఈ లాక్డౌన్ సమయంలోనూ తనదైన శైలిలో సినిమాలు నిర్మిస్తూ హాట్టాపిక్గా నిలుస్తున్నాడు. తాజాగా మరో సంచలన చిత్రాన్ని ప్రకటించాడు ఆర్జీవీ. ప్రముఖ జర్నలిస్ట్ అర్నబ్ గోస్వామిపై సినిమా తీస్తానని ట్వీట్ చేశాడు. దీనికి 'అర్నబ్.. ద న్యూస్ ప్రాస్టిట్యూట్' అనే టైటిల్ పెట్టనున్నట్లు స్పష్టం చేశాడు.
జర్నలిస్ట్ అర్నబ్ గోస్వామిపై ఆర్జీవీ సినిమా
ప్రముఖ దర్శకుడు రామ్గోపాల్వర్మ తన తర్వాతి చిత్రాన్ని ప్రకటించాడు. ప్రముఖ పాత్రికేయుడు అర్నబ్ గోస్వామిపై ఓ సినిమా తెరకెక్కించనున్నట్లు తెలిపాడు.
ఆర్జీవీ
బాలీవుడ్ హీరో సుశాంత్ సింగ్ ఆత్మహత్య కేసుపై.. తనదైన శైలిలో డిబేట్లు పెట్టి ఇండస్ట్రీలో మాఫియా ప్రభావంపై విరుచుకుపడ్డాడు అర్నబ్. ఈ క్రమంలోనే ఆర్జీవీ స్పందిస్తూ.. చిత్రసీమ గురించి అర్నబ్ గోస్వామి చేసిన కామెంట్లు తనను చాలా ఆశ్చర్యపరిచాయని పేర్కొన్నాడు. ఇలా అనేక విశ్లేషణలతో వరుస ట్వీట్లు చేసి చర్చనీయాంశంగా మారాడు వర్మ.