Revolt of Bheem: ఫుల్ ప్రచారంలో బిజీగా ఉన్న 'ఆర్ఆర్ఆర్' టీమ్.. 'రివోల్డ్ ఆఫ్ భీమ్' సాంగ్ను శుక్రవారం రిలీజ్ చేశారు. ఇందులో ఎన్టీఆర్.. భీమ్గా చేసిన నటన సినిమా ఎప్పుడెప్పుడు వస్తుందా అనే ఆత్రుత కలిగిస్తోంది.
ఎస్.ఎస్.రాజమౌళి ప్రతిష్ఠాత్మకంగా తీసిన 'ఆర్ఆర్ఆర్'లో రామ్చరణ్ అల్లూరి సీతారామరాజుగా, ఎన్టీఆర్ కొమరం భీమ్ పాత్రలు పోషించారు. ఆలియా భట్, ఒలీవియా మోరిస్ హీరోయిన్లు. అజయ్ దేవ్గణ్, సముద్రఖని, శ్రియ కీలకపాత్రలు పోషించారు. కీరవాణి సంగీతమందించారు. డీవీవీ దానయ్య రూ.450 కోట్లతో నిర్మించారు. జనవరి 7న ప్రపంచవ్యాప్తంగా థియేటర్లలోకి రానుందీ సినిమా.
Pushpa collection: అల్లు అర్జున్ 'పుష్ప'.. వసూళ్లలో సరికొత్త రికార్డు సృష్టిస్తోంది. థియేటర్లలో ఈ సినిమా దుమ్ములేపుతుంది. తొలి వారం విజయవంతంగా ప్రదర్శితమైన 'పుష్ప'.. ప్రపంచవ్యాప్తంగా రూ.229 కోట్ల గ్రాస్ వసూలు చేసిందని నిర్మాణ సంస్థ మైత్రీ మూవీ మేకర్స్ వెల్లడించింది. రానున్న రోజుల్లో ఇది మరింత పెరిగేలా కనిపిస్తోంది.
శేషాచలం ఎర్రచందనం నేపథ్యంగా తీసిన 'పుష్ప' సినిమాలో అల్లుఅర్జున్, రష్మిక హీరోహీరోయిన్లుగా నటించారు. ఫహాద్ ఫాజిల్, సునీల్, అనసూయ కీలకపాత్రలు పోషించారు. దేవిశ్రీ ప్రసాద్ సంగీతమందించారు. సుకుమార్ దర్శకత్వం వహించారు. మైత్రీమూవీ మేకర్స్ భారీ బడ్జెట్తో నిర్మించింది.