బాండ్​కు కరోనా ఎఫెక్ట్.. ఏకంగా విడుదల తేదీలో మార్పు

కరోనా ప్రభావం బాండ్ కొత్త సినిమాపై పడింది. ఈ కారణంతోనే విడుదల తేదీని నవంబరుకు మార్చింది చిత్రబృందం.

కరోనా వల్ల ప్రస్తుతం ప్రపంచ దేశాలన్నీ ఇబ్బందులు పడుతున్నాయి. సాధారణ ప్రజలే కాకుండా, పలు రంగాలూ ప్రభావితమయ్యాయి. దీని వల్ల ఇప్పడు బాండ్​ కొత్త సినిమాకు చుక్కెదురైంది. ఏప్రిల్​లో విడుదల కావాల్సిన 'నో టైమ్ టూ డై'.. ఏకంగా నవంబరుకు వాయిదా పడింది.

బాండ్​ కొత్త సినిమాకు కరోనా ఎఫెక్ట్

ఇంతకు ముందు ఈ సినిమాకు జరగాల్సిన ప్రచారానికి కరోనా సెగ తగిలింది. ఈ వైరస్​ కారణంగానే చైనా, బీజింగ్ ఇతర నగరాల్లో జరగాల్సిన కార్యక్రమాలు ఆగిపోయాయి.

డేనియల్ క్రెయిగ్.. బాండ్​గా కనిపించనున్న చివరి చిత్రమిదే. ఇందులో మరోసారి బ్రిటీష్ గూఢచారిగా అలరించబోతున్నాడు. ఆస్కార్ నటుడు రమీ మాలిక్.. ప్రతినాయకుడి పాత్ర పోషించాడు. జోజి ఫుకునాగా దర్శకత్వం వహించాడు.

ఇదీ చూడండి.. ఆరేళ్ల వయసులోనే వేధింపులకు గురయ్యాను: నటి రష్మీ