మాస్ మహారాజ రవితేజ కథానాయకుడిగా అనిల్ రావిపూడి దర్శకత్వంలో తెరకెక్కిన చిత్రం 'రాజా ది గ్రేట్'. 2017లో యాక్షన్‌ కామెడీ చిత్రంగా ప్రేక్షకుల ముందుకొచ్చి అలరించింది. అయితే ఈ చిత్రానికి సీక్వెల్‌గా 'రాజా 2 ది గ్రేట్' టైటిల్‌తో రానుందని అనే వార్తలు ఇప్పుడు వినిపిస్తున్నాయి. అనిల్ రావిపూడి ఓ సందర్భంలో ఈ చిత్రం సీక్వెల్ గురించి చెబుతూ.. "రాజా ది గ్రేట్ సినిమాకు సీక్వెల్ కచ్చితంగా ఉంటుంది. అయితే అది ఎప్పుడు అనేది ఇప్పుడు చెప్పలేను" అని తెలిపారు.
దర్శకుడు అనిల్ ఇటీవల హీరో రవితేజకు చిత్రానికి సంబంధించి స్టోరీలైన్‌ వినిపించారట. అయితే రవితేజ మాత్రం పూర్తి స్క్రిప్ట్‌తో రావాలని దర్శకుడిని కోరారట. అన్నీ సవ్యంగా కుదిరితే ఈ ఏడాది చివర్లో కానీ, లేదా వచ్చే సంవత్సరం ప్రథమార్ధంలో కానీ సినిమా సెట్స్ పైకి వెళ్లే అవకాశం ఉందనే వార్తలు వినిపిస్తున్నాయి.