మాస్ మహారాజా రవితేజ వరుస చిత్రాలతో జోరుమీదున్నారు. ఇప్పటికే 'ఖిలాడి', రామారావు ఆన్ డ్యూటీ చిత్రాలతో బిజీగా ఉన్న ఆయన.. ఇటీవలే రావణాసుర సినిమా ఓకే చేశారు. తాజాగా ఓ మల్టీస్టారర్ చేయనున్నారు రవితేజ. తమిళ హీరో విష్ణువిశాల్తో కలిసి నటించనున్నారు. ఇది ద్విభాషా చిత్రంగా తెరకెక్కే అవకాశం ఉంది. ఈ ప్రాజెక్టుకు సంబంధించిన మరిన్ని వివరాలను త్వరలో తెలియజేయనున్నారు.
'బంగార్రాజు' ప్రమోషన్స్
'బంగార్రాజు' ప్రమోషన్స్ను మొదలుపెట్టింది చిత్రబృందం. ప్రచారం కోసం హీరోలు నాగార్జున, నాగ చైతన్య, హీరోయిన్ కృతి శెట్టి పయనమయ్యారు. కరోనా ఉద్ధృతిలోనూ సంక్రాంతి కానుకగా జనవరి 14నే సినిమాను విడుదల చేస్తున్నారు. రమ్యకృష్ణ కీలక పాత్ర పోషించారు. కల్యాణ్‌కృష్ణ దర్శకుడు.
'రౌడీ బాయ్స్' ట్రైలర్ -తారక్
ప్రముఖ నిర్మాత దిల్‌రాజు సోదరుడైన శిరీష్‌ తనయుడు ఆశీష్‌ హీరోగా పరిచయం అవుతున్న సినిమా 'రౌడీబాయ్స్' (rowdy boys movie). అనుపమ పరమేశ్వరన్ హీరోయిన్. ఈ సినిమా ట్రైలర్ను యంగ్టైగర్ ఎన్టీఆర్ జనవరి 8న సాయంత్రం 6 గంటలకు రిలీజ్ చేయనున్నారు.
తారక్ చేతుల మీదుగా 'రౌడీ బాయ్స్' ట్రైలర్
'హుషారు' దర్శకుడు శ్రీ హర్ష కొనుగంటి ఈ సినిమాను తెరకెక్కిస్తున్నారు. దేవి శ్రీ ప్రసాద్ సంగీతమందించారు. ఈ సినిమా నుంచి 'డేట్ నైట్' అనే పాట ప్రోమో విడుదలై ఆకట్టుకుంటోంది. పూర్తి పాటను శుక్రవారం విడుదల చేయనున్నారు.
ఇండియన్ సూపర్గర్ల్..
సూపర్ హీరో సినిమాలకు ఉండే క్రేజే వేరు. ఇలాంటి సినిమాల్లో ఎక్కువగా కథానాయకులే హీరోలుగా ఉంటారు. ఇటువంటి నేపథ్యంలో కథానాయిక ప్రాధాన్యమున్న చిత్రాలు భారత్లో లేవు! అందుకే తొలి భారత సూపర్గర్ల్ చిత్రాన్ని రూపొందిస్తున్నారు దర్శకుడు స్టీఫెన్. ఆ సినిమా పేరే 'ఇంద్రానీ'. ఈ చిత్ర మోషన్ పోస్టర్ విడుదలై ఆకట్టుకుంటోంది.
ఇదీ చూడండి:సమంత 'ఊ అంటావా..' ఫుల్ వీడియో సాంగ్ వచ్చేసింది
