కరోనా సెకండ్ వేవ్ కారణంగా పలు చిత్రీకరణలు వాయిదా పడుతుండగా.. పలు సినిమాల విడుదలలూ నిలిచిపోయాయి. ఇప్పుడీ జాబితాలోకి రవితేజ కొత్త సినిమా చేరిందని సమాచారం. ఇటీవల శరత్ మండవ దర్శకత్వంలో మాస్మహారాజా సినిమా ఖరారైంది. ఈ చిత్ర రెగ్యులర్ షూటింగ్ను ఏప్రిల్ 19న ప్రారంభించాల్సి ఉంది. కరోనా కారణంగానే ప్రస్తుతం ఈ సినిమా షూటింగ్ను తాత్కాలికంగా నిలిపివేసినట్లు సమాచారం.
కరోనా కారణంగా రవితేజ చిత్రాలకు బ్రేక్
శరత్ మండవ దర్శకత్వంలో రవితేజ నటించబోతున్న కొత్త సినిమా చిత్రీకరణను తాత్కాలికంగా నిలిపివేసినట్లు సమాచారం. కరోనా ఉద్ధృతంగా కొనసాగుతుండటమే కారణమని తెలుస్తోంది.
రవితేజ కొత్త చిత్రం
రవితేజ ఈ ఏడాది మొదట్లోనే 'క్రాక్' సినిమాతో బ్లాక్ బస్టర్ హిట్ అందుకున్నారు. ప్రస్తుతం శరత్ మండవ సినిమాతో పాటు యాక్షన్ థ్రిల్లర్గా తెరకెక్కుతోన్న 'ఖిలాడి'లోనూ నటిస్తున్నారు. అయితే ఈ సినిమా దర్శకుడు రమేష్ వర్మకు కరోనా సోకడం వల్ల ఈ చిత్ర షూటింగ్ కూడా నిలిచిపోయింది. ఈ నేపథ్యంలోనే శరత్ సినిమా షూటింగ్కు రవితేజ బ్రేక్ ఇచ్చారని తెలిసింది.