"మహేష్‌బాబు, అల్లు అర్జున్‌లతో నటించడానికి ఎదురుచూస్తున్నా" అంటోంది కథానాయిక రాశీ ఖన్నా. లాక్డౌన్తో ఇంటికే పరిమితమైన ఆమె ట్విటర్‌లో అభిమానులతో చిట్‌ చాట్‌గా ముచ్చటించింది. తన వ్యక్తిగత, సినీ కెరీర్‌కు సంబంధించి పలు ఆసక్తికర విషయాలు పంచుకుంది..
ఈ లాక్డౌన్లో మీకు స్ఫూర్తిగా నిలుస్తున్న అంశాలేంటి?
సాధ్యమైనంతవరకు నేనెప్పుడూ సానుకూల దృక్పథంతో ఉండటానికే ప్రయత్నిస్తుంటా. అందు కోసం ఈ సమయంలో పుస్తకాలు చదువుతున్నా. స్ఫూర్తిని రగిలించే వీడియోలు చూస్తున్నా.
ఎప్పుడూ ఇలా పాజిటివ్‌గా.. చక్కగా నవ్వుతూ ఉండటం మీకెలా సాధ్యమవుతుంది?
నా కుటుంబం, స్నేహితులు, అభిమానులు ఇలా నా చుట్టూ ఉన్న వాళ్ల నుంచి నేను పొందుతున్న ప్రేమే నాలో సంతోషాన్ని నింపుతుంది.
థియేటర్లో చూసిన తొలి చిత్రం?
టైటానిక్‌.
పెద్దలు కుదిర్చిన పెళ్లి.. ప్రేమ వివాహం. మీ ఓటు దేనికి?
నాకు తెలిసి ప్రేమ వివాహమే.
మహేష్‌బాబుతో సినిమా ఎప్పుడు?
నేను దాని కోసమే ఎదురు చూస్తున్నా. త్వరలో ఆ కల నెరవేరొచ్చేమో.
తెలుగులో మీ అభిమాన కథానాయిక?