Rashmika Mandanna: 'పుష్ప'లో హీరోయిన్గా నటించి దేశవ్యాప్తంగా క్రేజ్ సంపాదించుకుంది నటి రష్మిక. ఈమె త్వరలోనే ఓ బాలీవుడ్లో చిత్రంలో మెరవనున్నట్లు తెలుస్తోంది. 'అర్జున్రెడ్డి' దర్శకుడు సందీప్ రెడ్డి వంగా తెరకెక్కిస్తున్న 'యానిమల్' సినిమాలో రష్మిక స్పెషల్ సాంగ్ చేయనుందని బీటౌన్ వర్గాల సమాచారం. ఈ చిత్రంలో రణ్బీర్ కపూర్ హీరోగా నటిస్తున్నాడు. అనిల్ కపూర్, బాబీ డియోల్, పరిణితి చోప్రా ప్రధాన పాత్రలు పోషిస్తున్నారు.
ప్రస్తుతానికి ఈ పాటకు సంబంధించి చర్చలు జరుగుతున్నాయి. రష్మిక స్పెషల్ సాంగ్లో నటిస్తే సినిమాకు ప్రత్యేక ఆకర్షణగా నిలుస్తుందని చిత్రబృందం భావిస్తున్నట్లు తెలుస్తోంది. ఈ విషయం రష్మిక స్పందించలేదు. 'పుష్ప' సినిమాలో సమంత నటించిన స్పెషల్ సాంగ్ 'ఊ అంటావా మావా' విజయంవంతం కావడం వల్ల.. ఈ సినిమాలోనూ స్పెషల్ సాంగ్ పెట్టాలని చిత్ర యూనిట్ భావిస్తోంది.