రామ్ పోతినేని హీరోగా లింగుస్వామి దర్శకత్వంలో ఓ సినిమా తెరకెక్కుతోంది. ప్రస్తుతం ఈ సినిమా షూటింగ్ RAPO19 వర్కింగ్‌ టైటిల్‌తో శరవేగంగా సాగుతోంది. దేవిశ్రీ ప్రసాద్‌ సంగీతం అందించారు. అయితే ఈ సినిమా ఆడియో హక్కులకు రికార్డు ధర లభించినట్లు తెలుస్తోంది. దీని కోసం 'ఆదిత్య మ్యూజిక్‌' రూ.2.75కోట్లు వెచ్చించినట్లు వార్తలు వినిపిస్తున్నాయి. తెలుగు, తమిళ ఆడియో హక్కులను కొనుగోలు చేసింది. ఇదే నిజమైతే రామ్ కెరీర్‌లో ఆడియో హక్కుల విషయంలో ఈ సినిమాదే రికార్డు అవుతుంది.
ఈ చిత్రంలో రామ్ సరసన 'ఉప్పెన' హీరోయిన్‌ కృతిశెట్టి సందడి చేయనుంది. ఆది పినిశెట్టి కీలకపాత్రలో కనిపించనున్నాడు. మరో భామ అక్షరగౌడ ప్రత్యేక ఆకర్షణ కానుంది. శ్రీనివాస సిల్వర్‌ స్క్రీన్‌ పతాకంపై పవన్‌ కుమార్ సమర్పణలో శ్రీనివాస్‌ చిట్టూరి ఈ సినిమాను నిర్మిస్తున్నారు. సినిమా టైటిల్‌ను త్వరలోనే ప్రకటించే అవకాశం ఉంది.
రామ్ పోతినేని సినిమా ఆడియో రైట్స్కు రికార్డు ధర వెంకటేశ్ కథానాయకుడిగా శ్రీకాంత్‌ అడ్డాల తెరకెక్కించిన చిత్రం 'నారప్ప'. ప్రముఖ ఓటీటీ అమెజాన్‌ ప్రైమ్‌ వేదికగా ఇటీవల విడుదలై, ప్రేక్షకుల్ని విశేషంగా ఆకట్టుకుంటోంది. ఈ నేపథ్యంలో చిత్రీకరణకు సంబంధించిన ఓ వీడియోను అభిమానులతో పంచుకున్నారు వెంకటేశ్. ఇందులో సినిమాను ప్రారంభించిన ముహూర్తపు షాట్‌, దేవాలయం, థియేటర్‌ తదితర లొకేషన్లు చూపించారు. ఒక్కో సన్నివేశాన్ని తెరకెక్కించేందుకు చిత్ర బృందం ఎంత కష్టపడిందో ఈ వీడియో చూస్తే అర్థమవుతుంది. తమిళ సినిమా 'అసురన్‌'కు రీమేక్‌గా 'నారప్ప' రూపొందింది. ప్రియమణి, కార్తీక్‌ రత్నం, రాజీవ్‌ కనకాల, నాజర్‌ తదితరులు కీలక పాత్రలు పోషించారు. ఈ చిత్రాన్ని కళైపులి ఎస్‌. థాను సమర్పణలో సురేశ్‌ బాబు నిర్మించారు. మణిశర్మ సంగీతం అందించారు.
'టాయ్లెట్: ఏక్ ప్రేమ్ కథ' చిత్రంలో భార్యాభర్తలుగా నటించి ఆకట్టుకున్నారు అక్షయ్ కుమార్, భూమి పెడ్నేకర్. ఇప్పుడు ఈ ఇద్దరూ కలిసి నటిస్తున్న మరో చిత్రం 'రక్షాబంధన్'. ఆనంద్ ఎల్ రాయ్ దర్శకత్వం వహించిన ఈ చిత్రానికి సంబంధించిన ముంబయి షెడ్యూల్ పూర్తైంది. ఈ విషయాన్ని చిత్రబృందం తెలియజేస్తూ షూటింగ్కు సంబంధించిన ఫొటోస్ను పోస్ట్ చేసింది.
అక్షయ్ కుమార్ రక్షాబంధన్
అక్షయ్ కుమార్ రక్షాబంధన్
ఇదీ చూడండి: శర్వా చిత్రంలో ముగ్గురు స్టార్ నటీమణులు
