టాలీవుడ్ యువ కథానాయకుడు రామ్ పోతినేని.. కోలీవుడ్ దర్శకుడు లింగుస్వామి కాంబోలో తెరకెక్కబోయే సినిమా నుంచి మరో అప్డేట్ వచ్చింది. ఇటీవలే చిత్రీకరణ ప్రారంభమైన రాపో19(వర్కింగ్ టైటిల్) సినిమాలో మరో హీరోయిన్గా అక్షర గౌడ నటించనుందని చిత్రబృందం పేర్కొంది. దానికి సంబంధించిన పోస్టర్ను సామాజిక మాధ్యమాల ద్వారా విడుదల చేశారు.
ఇప్పటికే ఈ సినిమాలో రామ్ సరసన హీరోయిన్గా 'ఉప్పెన' బ్యూటీ కృతి శెట్టి నటిస్తోంది. మరోవైపు హీరో రామ్ వరుస హిట్లతో జోష్ మీద ఉండటం, ఈ కొత్త జోడీ కలయిక వల్ల అభిమానుల్లో సినిమాపై మరింత అంచనాలు పెరిగాయి. ఈ చిత్రానికి దేవిశ్రీ ప్రసాద్ సంగీతం అందిస్తున్నారు. శ్రీనివాస సిల్వర్‌ స్క్రీన్‌ పతాకంపై పవన్‌ కుమార్‌ సమర్పణలో శ్రీనివాస్‌ చిట్టూరి నిర్మిస్తున్నారు.
విక్రాంత్ రోణ..