తొలి సినిమా 'శివ'తోనే సరికొత్త ట్రెండ్ సృష్టించిన దర్శకుడు రామ్గోపాల్ వర్మ. ఆ తర్వాత బాలీవుడ్లో వర్మ తీసిన 'రంగీలా' చిత్రం అప్పట్లో ఒక ఊపు ఊపింది. ఈ చిత్రం కోసం ఏ.ఆర్‌.రెహమాన్‌ స్వరపరిచిన 'యాయిరే..యాయిరే..' పాట నటి ఊర్మిళకు ఎనలేని గుర్తింపు తెచ్చిపెట్టింది. అప్పట్లో ఈ చిత్రం బాక్సాఫీస్ వద్ద భారీ వసూళ్లు రాబట్టింది. 1995, సెప్టెంబర్‌ 8న విడుదలైన ఈ చిత్రం నేటితో 25 ఏళ్లు పూర్తి చేసుకుంది. ఈ సందర్భంగా మీడియాతో మాట్లాడిన ఆర్జీవీ.. తను సాధించిన విజయంపై ఆసక్తికర విషయాలు పంచుకున్నాడు.
"నిజం చెప్పాలంటే.. నా కెరీర్లో ఎన్నో సినిమాలు తీశా. వాటిలో ఈ తరహా చిత్రాలు చాలానే ఉన్నాయి. కేవలం 'రంగీలా', 'సత్య' మాత్రమే నా సినిమాలన్నింటిల్లో గొప్పవని ఎప్పుడూ అనుకోలేదు. కాబట్టి.. వీటిని మళ్లీ చిత్రీకరించే ఉద్దేశం అసలు లేదు."