బాలీవుడ్ లవ్బర్డ్స్ రణ్బీర్ కపూర్-ఆలియా భట్(ranbir alia bhatt marriage).. ఈ ఏడాదిని శుభవార్తతో వీడ్కోలు పలికేందుకు సిద్ధమవుతున్నట్లు తెలిసింది. వీరు డిసెంబరులో డెస్టినేషన్ వెడ్డింగ్ చేసుకోనున్నట్లు ప్రస్తుతం బాలీవుడ్లో జోరుగా ప్రచారం సాగుతోంది. వీరి వివాహ వేడుకకు రాజస్థాన్లోని ఓ ఐకానిక్ పాల్యెస్ వేదిక కానున్నట్లు తెలిసింది(ranbir alia marriage). పెళ్లికి సంబంధించిన పనులు శరవేగంగా జరగుతున్నాయట!
ప్రస్తుతం రణ్బీర్-ఆలియా(ranbir kapoor alia bhatt) కలిసి 'బ్రహ్మస్త్ర' సినిమాలో నటిస్తున్నారు. ఈ ప్రాజెక్ట్ షూటింగ్ను త్వరగా ముగించి మూడుముళ్ల బంధంలోకి అడుగుపెట్టాలని భావిస్తున్నారట. మిగతా ప్రాజెక్ట్ల షూటింగ్ను వచ్చే ఏడాదికి వాయిదా వేశారని తెలిసింది. త్వరలోనే దీనిపై అధికార ప్రకటన చేసే అవకాశముంది.