కెరీర్‌లో విభిన్న పాత్రలను, కథలను ఎంచుకుంటూ ముందుకు సాగుతున్న యువ నటుడు దగ్గుబాటి రానా. కేవలం కథానాయకుడిగానే కాదు, ప్రతినాయకుడిగానూ మెప్పించాడు. త్వరలోనే ఆయన ఓ ఇంటివాడు కాబోతున్నాడు. మిహీకా బజాజ్తో ఆయన వివాహం జరగనుంది. ఆగస్టు 8న పెళ్లి చేసుకోబోతున్నట్లు రానా తాజాగా మరోసారి స్పష్టం చేశాడు.
"నేను వివాహం చేసుకునే సరైన సమయం ఇదేననుకుంటున్నా. నా ప్రేమికురాలు మిహీకా కుటుంబం మా ఇంటికి మూడు కిలోమీటర్ల దూరంలోనే ఉంటుంది. మేమంతా ఒకే ప్రాంతంలో ఉంటాం. కొన్నిసార్లు పరిస్థితులు సాఫీగా సాగిపోతుంటాయి. ఆమే నాకు కరెక్ట్‌ జోడీ. ప్రతి విషయంలోనూ ఒకరికొకరం అండగా ఉంటాం. ఆగస్టు 8న తనని వివాహం చేసుకోబోతున్నా. ఆ రోజు నా జీవితంలో అత్యుత్తమమైన, అద్భుతమైన రోజు."