చిరు 'లూసిఫర్' రీమేక్​లో రమ్యకృష్ణ!

మెగాస్టార్​ చిరంజీవి నటించబోయే 'లూసిఫర్'​ తెలుగు రీమేక్​లో సీనియర్​ నటి రమ్యకృష్ణ నటించనున్నట్లు టాక్​. ప్రస్తుతం 'ఆచార్య' సినిమాలో నటిస్తున్నారు చిరు.

మెగాస్టార్​ చిరంజీవి ప్రస్తుతం 'ఆచార్య' సినిమాలో నటిస్తున్నారు. ఆ తర్వాత మలయాళ సినిమా 'లూసిఫర్'​ తెలుగు రీమేక్​ పట్టాలెక్కించేందుకు సన్నాహాలు చేస్తున్నారు. ప్రముఖ దర్శకుడు వీవీ వినాయక్​ దీనిని తెరకెక్కించనున్నారని సమాచారం. అయితే ఈ సినిమా గురించి ఓ ఆసక్తికరమైన విషయం ఒకటి బయటకొచ్చింది.

ఈ చిత్రంలోని ఓ కీలక పాత్రలో సీనియర్​ నటి రమ్యకృష్ణ నటించనుందని టాక్​. ఇప్పటికే చిత్రబృందం ఆమెతో చర్చలు జరపగా.. సుముఖత చూపారట. త్వరలోనే దీనిపై అధికారిక ప్రకటన వచ్చే అవకాశముంది.

గతంలో 'అల్లుడు మజాకా' సినిమా సహా పలు చిత్రాల్లో కలిసి నటించారు చిరు-రమ్యకృష్ణ. అప్పట్లో ఈ జోడీకి ప్రేక్షకుల నుంచి మంచి స్పందన లభించింది. మరోసారి వీరిద్దరూ కలిసి నటిస్తే చూడాలని అభిమానులు కోరుకుంటున్నారు. మరి వారి కోరిక నిజమవుతుందో లేదో తెలియాలంటే మరికొన్ని రోజులు ఆగాల్సిందే.

ఇదీ చూడండి 'ఆ ప్రత్యేకతే 'నిశ్శబ్దం'లో నటించేలా చేసింది'