టాలీవుడ్ హీరో రాంచరణ్ ఇప్పటికే 'ఆర్.ఆర్.ఆర్'లో నటిస్తున్నాడు. తాజాగా మరో సినిమా చేసేందుకు అంగీకరించాడు. మహేశ్బాబుతో 'మహర్షి'ని తెరకెక్కించిన వంశీ పైడిపల్లి దర్శకత్వంలో నటించనున్నాడని సమాచారం. వీరిద్దరూ ఇంతకుముందే 'ఎవడు' సినిమాకు కలిసి పనిచేశారు. మంచి విజయాన్ని అందుకుంది ఆ చిత్రం.
రాజమౌళి తెరకెక్కిస్తున్న 'ఆర్.ఆర్.ఆర్'లో అల్లూరి సీతారామరాజుగా చరణ్ కనిపించనున్నాడు. కుమురం భీం పాత్రలో ఎన్టీఆర్ నటిస్తున్నాడు. ప్రస్తుతం గుజరాత్లో షూటింగ్ జరుపుకుంటోంది చిత్రం. ఆలియా భట్ హీరోయిన్గా నటిస్తోంది.