లింగుస్వామి చిత్రంలో పోలీస్​ ఆఫీసర్​గా రామ్!

ఎనర్జిటిక్​ స్టార్​ రామ్​ హీరోగా లింగుస్వామి దర్శకత్వంలో ఓ సినిమా రూపొందుతోంది. ఇందులో రామ్ ఓ పోలీస్​ ఆఫీసర్​ పాత్రలో కనిపించనున్నారని టాలీవుడ్​లో ప్రచారం జరుగుతోంది.

రామ్‌ కథానాయకుడిగా లింగుస్వామి దర్శకత్వంలో ఓ సినిమా రూపొందుతోంది. కృతిశెట్టి కథానాయిక. శ్రీనివాసా సిల్వర్ స్క్రీన్స్​ పతాకంపై రూపొందుతున్న ఈ చిత్రంలో రామ్‌ పవర్‌పుల్‌ పోలీస్‌ అధికారిగా నటించనున్నారట. పవన్‌ కుమార్‌ సమర్పణలో 'రాపో 19' వర్కింగ్‌ టైటిల్‌తో తెరకెక్కనున్న ఈ సినిమా యాక్షన్‌ ఎంటర్‌టైన‌ర్‌ అలరించడం సహా సామాజిక సందేశాన్ని అందివ్వనుందని టాలీవుడ్​లో ప్రచారం జరుగుతోంది.

ఈ సినిమాకు శ్రీనివాసా చిట్టూరి నిర్మాతగా వ్యవహరిస్తున్నారు. తెలుగు - తమిళంలో ద్విభాషా చిత్రంగా తెరకెక్కించనున్నారు. వచ్చే ఏడాది ఆరంభంలోనే సినిమాను ప్రేక్షకుల ముందుకు తీసుకొచ్చేందుకు నిర్మాణ సంస్థ యోచిస్తున్నట్లు సమాచారం.

ఇదీ చూడండి:అమ్మో.. అమ్మాయేనా! ఎల్లోరా శిల్పమా?