#చిరు152లో మహేశ్​బాబు.. కారణం ఆ హీరోనే!

మెగాస్టార్ చిరు కొత్త సినిమాలో మహేశ్​బాబు అతిథి పాత్ర పోషించనున్నాడట. ఈ విషయమై సూపర్​స్టార్​తో రామ్​చరణ్​ మాట్లాడాడని టాక్.

మెగాస్టార్ చిరంజీవి, తన 152వ సినిమాలో నటిస్తూ బిజీగా ఉన్నాడు. దీనికి 'ఆచార్య' టైటిల్​ అనుకుంటున్నారని, హీరో రామ్​చరణ్ ఇందులో నక్స్​లైట్​గా కనిపించనున్నాడని... ఇలా రోజుకో వార్త ప్రచారంలోకి వస్తున్నాయి. ఇప్పుడు వీటన్నింటికి తోడు మరో అదిరిపోయే వార్త బయటకొచ్చింది. అదేంటంటే ఇందులో సూపర్​స్టార్ మహేశ్​బాబు అతిథి పాత్రలో కనిపించనున్నాడని.

చిరంజీవి 152వ సినిమా

హీరో చరణ్.. ఈ విషయమై మహేశ్​తో చర్చలు జరిపాడని, త్వరలో ఇందుకు సంబంధించిన అధికారిక ప్రకటన వెలువడనుందని సమాచారం. ఇటీవలే సంక్రాంతికి 'సరిలేరు నీకెవ్వరు'తో ప్రేక్షకుల ముందుకొచ్చాడు సూపర్​స్టార్. త్వరలో వంశీ పైడిపల్లి దర్శకత్వంలో మొదలుకానున్న సినిమాలో నటించనున్నాడు.

#చిరు152లో త్రిష హీరోయిన్​. మణిశర్మ సంగీతమందిస్తున్నాడు. కొరటాల శివ దరక్శత్వం వహిస్తున్నాడు. మ్యాట్నీ ఎంటర్​టైన్​మెంట్స్, కొణిదెల ప్రొడక్షన్ కంపెనీ సంయుక్తంగా నిర్మిస్తున్నాయి. ఈ ఆగస్టులో ప్రేక్షకుల ముందుకు వచ్చే అవకాశముందీ చిత్రం.

మెగాస్టార్ చిరంజీవి