Ram charan: అభిమానులకు రామ్​చరణ్ ధన్యవాదాలు

కరోనా కష్టకాలంలోనూ ఎంతోమందికి సాయం చేస్తూ, అండగా నిలబడుతున్న మెగా అభిమానులకు హీరో రామ్​చరణ్​ ధన్యవాదాలు తెలిపారు. అంకిత భావంతో పనిచేస్తున్నారని వారిని మెచ్చుకున్నారు.

మెగాహీరో రామ్​చరణ్​.. తమ అభిమానులకు ధన్యవాదాలు తెలిపారు. కొవిడ్ పరిస్థితుల్లోనూ ఎంతోమంది సహాయం చేస్తున్న వారిని మెచ్చుకున్నారు. ఈ క్రమంలో శనివారం ట్విట్టర్​ వేదికగా ఓ నోట్​ను విడుదల చేశారు.

"అభిమానులు.. ప్రస్తుత పరిస్థితుల్లోనూ కష్టపడి చేస్తున్న ఈ సమాజసేవ గురించి ఎప్పటికప్పుడు తెలుసుకుంటున్నాను. అత్యవసర పరిస్థితుల్లో ఉన్న సామాన్యుడి సాయం చేయడం నుంచి ఎన్నోసేవా కార్యక్రమాల్లో పాల్గొని అంకిత భావంతో పనిచేస్తున్నారు. ఎందరికో సాయం చేసిన మీకు పేరు పేరున నా శుభాభానందనలు. ధన్యవాదాలు" అని రామ్​చరణ్​ ట్విట్టర్​లో పేర్కొన్నారు.

ప్రస్తుతం ఆర్ఆర్ఆర్, ఆచార్య సినిమాల్లో నటిస్తున్నారు రామ్​చరణ్. కొవిడ్ పరిస్థితులు చక్కబడగానే షూటింగ్​లో పాల్గొంటారు.