కరోనా లాక్‌డౌన్‌తో అందరూ ఖాళీగా ఉంటే... సినిమా తారలు కొత్త సినిమాలకు ఫిక్స్‌ అవుతున్నారు. కొత్త కథలు వినడం, తర్వాత సినిమాలు, మేకోవర్‌ల గురించి ఆలోచించడం లాంటివి చేస్తున్నారు. అలా రామ్చరణ్ తన తర్వాతి సినిమాను ఓకే చేసుకున్నాడని తెలుస్తోంది. 'ఛలో', 'భీష్మ' సినిమాల విజయాలతో జోరు మీదున్న వెంకీ కుడుముల సినిమాకు చరణ్ ఓకే చెప్పాడని సమాచారం.
'ఛలో' దర్శకుడితో చరణ్.. దసరాకు ముహూర్తం!
మెగా పవర్స్టార్ రామ్చరణ్ ప్రస్తుతం 'ఆర్ఆర్ఆర్'లో నటిస్తున్నాడు. అయితే ఈ చిత్రం తర్వాత చెర్రీ మరో సినిమా గురించి ఇప్పటివరకు అప్డేట్ రాలేదు. తాజాగా ఇతడు 'ఛలో' ఫేమ్ వెంకీ కుడుముల కథకు ఓకే చెప్పాడని తెలుస్తోంది.
'ఛలో' దర్శకుడితో చరణ్.. దసరాకు ముహూర్తం!
'ఆర్ఆర్ఆర్' తర్వాత రామ్చరణ్ ఏ సినిమా చేస్తాడు అంటూ గత కొద్ది రోజులుగా వస్తున్న ప్రశ్నలకు వెంకీ కుడుముల సినిమాతో ఫుల్‌స్టాప్ పడినట్లే అని తెలుస్తోంది. వెంకీ చెప్పిన కథ రామ్‌చరణ్‌కు బాగా నచ్చిందని టాక్‌. తన స్నేహితులు యూవీ క్రియేషన్స్‌ బ్యానర్‌లో ఈ సినిమా ఉండబోతోందని తెలుస్తోంది.
యూవీ క్రియేషన్స్‌లో సినిమా చేయాలని చరణ్ చాలా రోజుల నుంచి అనుకుంటున్నాడని వార్తలొచ్చాయి. అయితే ఈ సినిమాతో ఇన్నాళ్లకు కుదిరిందన్నమాట. మరోవైపు చరణ్ నుంచి ప్రేమకథ వచ్చి చాలా రోజులైంది. ఈ సినిమాతో చరణ్ అభిమానుల ముచ్చట తీరుస్తాడేమో చూడాలి. అన్నట్లు విజయదశమి సందర్భంగా ఈ సినిమా మొదలుపెడతారని తెలుస్తోంది. దీనిపై చిత్రబృందం నుంచి స్పష్టత రావాల్సి ఉంది.