స్టార్ హీరోయిన్ రకుల్ప్రీత్ సింగ్.. రిలేషన్లో ఉన్నట్లు వెల్లడించింది. ఈమె పుట్టినరోజు(rakul preet singh husband) సందర్భంగా బాలీవుడ్ నటుడు, నిర్మాత జాకీ భగ్నానీ.. రకుల్కు బర్త్డే విషెస్ చెబుతూ పోస్ట్ పెట్టారు. దీనికి ప్రతిగా రకుల్ కూడా పోస్ట్ పెట్టి, 'థాంక్యూ మై లవ్' అంటూ క్యాప్షన్ రాసుకొచ్చింది. దీనిబటి చూస్తుంటే వీరిద్దరూ త్వరలో పెళ్లి చేసుకున్నట్లు కనిపిస్తున్నారు.
"నువ్వు లేకుండా రోజులు నిస్సారంగా సాగుతున్నాయి. నువ్వు నా పక్కన లేకపోతే ఎంతో టేస్టీ ఫుడ్ తిన్నాసరే చాలా నార్మల్గా ఉంటుంది. మోస్ట్ బ్యూటిఫుల్ సోల్" అని రకుల్ప్రీత్తో కలిసున్న ఫొటోను జాకీ, ఇన్స్టాలో పోస్ట్ చేశారు.
తెలుగు సినిమా 'కెరటం'తో హీరోయిన్గా పరిచయమైన రకుల్.. తమిళ, హిందీ భాషల్లోనూ కథానాయికగా గుర్తింపు తెచ్చుకుంది. ఇటీవల 'కొండపొలం' సినిమాతో టాలీవుడ్ ప్రేక్షకుల్ని పలకరించింది. ప్రస్తుతం హిందీలో డాక్టర్ జీ, ఎటాక్, మేడే, అయలాన్, థాంక్ గాడ్, మిషన్ సిండ్రెల్లా, ఇండియన్ 2 సినిమాలు చేస్తోంది.
బాలీవుడ్ నిర్మాత వాసు భగ్నానీ కుమారుడైన జాకీ.. 'రెహనా హై తేరే దిల్ మే'(2001) సినిమాలో అతిథి పాత్రతో నటుడిగా పరిచయమయ్యారు. ఆ తర్వాత 'కల్ కిస్నే దేఖా' చిత్రంతో హీరోగా ఎంట్రీ ఇచ్చారు. యంగిస్థాన్, వెల్కమ్ టూ కరాచీ, ఫాల్తూ లాంటి సినిమాల్లో నటించి మెప్పించారు. మరోవైపు నిర్మతగా సర్బ్జీత్, బెల్ బాటమ్, కూలీ నం.1, జవానీ జానేమన్ సినిమాలు నిర్మించారు. ప్రస్తుతం టైగర్ష్రాఫ్తో గణపత్ పార్ట్ 1, మహావీర్ కర్ణ చిత్రాల్ని రూపొందిస్తున్నారు.
ఇవీ చదవండి:
