'ఓ నటిగా విభిన్నమైన పాత్రలు పోషించడానికి ఎప్పుడూ సిద్ధంగా ఉండాలి. ఎప్పుడూ గ్లామర్ పాత్రలతోనే ప్రయాణం చేస్తే మనకు తెలియకుండానే మనపై ఓ ఇమేజ్‌ పడిపోతుంద'ని చెబుతోంది రకుల్ప్రీత్ సింగ్. అందం.. అదృష్టం.. ప్రతిభ.. సమపాళ్లలో కలిగి ఉన్న ముద్దుగుమ్మ ఆమె. అందుకే తెరపై అడుగుపెట్టి దశాబ్ద కాలం దాటినా.. వరుస అవకాశాలతో దూసుకుపోతోంది.
'సీమ ఓబులమ్మ'గా రకుల్ప్రీత్ సింగ్! - క్రిష్‌ ఇంటర్వ్యూ
ఎప్పుడూ గ్లామర్ రోల్సే కాదు. విభిన్నమైన పాత్రలు పోషించడానికీ సిద్ధంగా ఉంటానని అంటోంది హీరోయిన్ రకుల్ప్రీత్ సింగ్. తన కొత్త సినిమాలో డీగ్లామర్ పాత్రలో నటించినట్లు తెలిపింది.
సీమ ఓబులమ్మగా రకుల్ ప్రీత్ సింగ్!
ప్రస్తుతం ఆమె క్రిష్‌ దర్శకత్వంలో ఓ చిత్రం చేస్తోంది. 'కొండపొలం' అనే నవల ఆధారంగా రూపొందుతోంది. ఇప్పుడీ చిత్రం కోసం తొలిసారి డీగ్లామర్ పాత్రలో నటించినట్లు తెలియజేసింది రకుల్. సమంత హోస్ట్‌ చేస్తున్న ఓ ఇంటర్వ్యూలో ఈ విషయాలు చెప్పుకొచ్చింది. తాను డీగ్లామర్ పాత్రలో కనిపించడమే కాకుండా.. తొలిసారి రాయలసీమ యాసలో సంభాషణలు పలికినట్లు తెలియజేసింది. ఈ కార్యక్రమంలోనే పాల్గొన్న క్రిష్‌.. రకుల్ పాత్ర పేరును బయటపెట్టారు. ఆమె ఈ చిత్రంలో ఓబులమ్మ అనే పాత్రలో దర్శనమివ్వనుందని తెలియజేశారు.
ఇదీ చూడండి:పుకార్లను పట్టించుకోను: రకుల్ప్రీత్