కన్నడ హీరో రక్షిత్ శెట్టి హీరోగా నటించిన చిత్రం 'అవనే శ్రీమన్నారాయణ'. ఈ సినిమా తెలుగులో 'అతడే శ్రీమన్నారాయణ' పేరుతో రానుంది. తాజాగా ఈ మూవీ తెలుగు ట్రైలర్ను విడుదల చేసింది చిత్రబృందం. 'లవ్లీ' ఫేమ్ శాన్వీ కథానాయిక.
పీరియడ్ యాక్షన్ నేపథ్యంలో తెరకెక్కిన ఈ చిత్ర ట్రైలర్ ఆకట్టుకుంటోంది. అవినీతి పోలీసు అధికారి పాత్రలో రక్షిత్ కనిపించనున్నాడు. సచిన్ రవి దర్శకుడిగా పరిచయమవుతున్న ఈ సినిమా... డిసెంబరు 27న ప్రేక్షకుల ముందుకు రానుంది. అద్భుతమైన విజువల్స్తో ట్రైలర్ ఎంతో బాగుందని టాలీవుడ్ నేచురల్ స్టార్ నాని ట్వీట్ చేశాడు.