ఎన్​కౌంటర్ చేస్తానంటున్న 'రజనీ'

తమిళ తలైవా 'రజనీకాంత్​', ప్రముఖ దర్శకుడు 'ఏఆర్​ మురుగదాస్'​ కాంబినేషన్​లో వస్తోన్న చిత్రం 'దర్బార్​'. ఈ సినిమాలోని రజనీ కొత్త లుక్​ను విడుదల చేసింది చిత్రబృందం.

'దర్బార్'​ చిత్రంలో ఎన్​కౌంటర్​ స్పెషలిస్టుగా విలన్ల గుండెల్లో రైళ్లు పరిగెత్తించనున్నాడు హీరో రజనీకాంత్​. తాజాగా దీపావళి సందర్భంగా రజనీ మరో కొత్త లుక్​ పోస్టర్​ను విడుదల చేసింది చిత్రబృందం. ఈ పోస్టర్‌లో చేతిలో తుపాకీ పట్టుకుని స్టైలిష్​ లుక్​లో అదరగొడుతున్నాడీ సీనియర్ హీరో.

ఇప్పటికే ప్రేక్షకుల ముందుకు వచ్చిన రెండు పోస్టర్లలో కండలు పెంచి, పోలీసు అధికారిగా ఆకట్టుకున్నాడు రజనీ.

దీపావళికి తుపాకీ చేత పట్టన 'తలైవా'

ప్రతినాయకుడిగా ప్రతీక్‌ బబ్బర్‌ నటిస్తున్నాడు. ఏఆర్​ మురుగదాస్​ దర్శకుడు. లైకా ప్రొడక్షన్‌ పతాకంపై రూపుదిద్దుకుంటున్న ఈ చిత్రంలో.. నయనతార కథానాయిక. అలీరాజా శుభకరన్‌ నిర్మాత. అనిరుధ్​ సంగీతం సమకూరుస్తున్నాడు. వచ్చే ఏడాది సంక్రాంతి కానుకగా రానుందీ చిత్రం.

ఇదీ చూడండి : 'అర్జున్​ సురవరం' ఈ సారైనా విడుదలవుతుందా...?