కోట్లాది అభిమానుల మనసులు గెలుచుకున్న స్టార్ రజనీకాంత్. తమిళనాడులో ఆయన్ను దేవుడిగా భావించి పూజించేవారు ఎందరో. ఇంతకీ ఆయనకెందుకు ఇంత క్రేజ్‌ వచ్చిందో మీరెప్పుడైనా ఆలోచించారా?. కేవలం ప్రతిభ ఉన్నంత మాత్రానా సినీ పరిశ్రమలో క్లిక్‌ కాలేరు. ప్రేక్షకుల్ని ఆకట్టుకునే విషయాలు స్టార్స్‌ వ్యక్తిగత జీవితంలోనూ ఉండాలి. అప్పుడే వారిపై మరింత అభిమానం పెరుగుతుంది. నటన నచ్చితే కళ్లకు నచ్చుతారు.. వ్యక్తిత్వం నచ్చితే మనసుకు చేరువైపోతారు కదా. అలాంటి అంశాలు రజనీలో చాలా ఉన్నాయి. సూపర్స్టార్ అయినప్పటికీ ఆడంబరాలకు దూరంగా ఉంటూ, మానవత్వంతో వ్యవహరించడం అందర్నీ మెప్పించింది. డిసెంబరు 12 (శనివారం)ఆయన జన్మదినం సందర్భంగా నటన కాకుండా రజనీలోని ప్రత్యేక అంశాల్ని ఓ సారి తెలుసుకుందాం.
భక్తి
రజనీకి దైవభక్తి ఎక్కువ. మనసును ప్రశాంతంగా, ఏకాగ్రతగా ఉంచుకోవడానికి ఆయన హిమాలయాలకు వెళ్లి, అక్కడి గుహల్లో కొన్ని రోజుల పాటు తపస్సు చేస్తుంటారు. 'ప్రతి సినిమా తర్వాత నేను హిమాలయాలకు వెళ్తుంటా. ఎవరూ లేకుండా ఒంటరిగా వెళ్తుంటా. అక్కడి గ్రామాల్లోని ప్రజల ఇళ్లకి వెళ్లి వస్తుంటా' అని ఓసారి తలైవా చెప్పారు.
తిరిగిచ్చేస్తారు
రజనీ సినిమాలు బాక్సాఫీసు వద్ద ఆడకపోతే ఆయన పంపిణీదారులకు డబ్బుల్ని తిరిగి ఇచ్చేస్తుంటారు. తన సొంత డబ్బుల్ని వారికి ఇవ్వడం విశేషం. పరాజయాన్ని స్వీకరించి.. నష్టం ఆయనే భరిస్తారు. స్వార్థంలేని ఆయన మనసును అందరూ ఇష్టపడతారు. బాబా సినిమా వల్ల పంపిణీదారులు తీవ్రంగా నష్టపోయినప్పుడు రజనీ వారిని ఆదుకున్నారు.
విరాళాలు
అవసరాల్లో ఉన్న చాలా మందికి సహాయం చేసి అభిమానుల హృదయాలకు మరింత దగ్గరయ్యారు రజనీ. పలువురి విద్యా, వైద్య ఖర్చుల్ని ఆయనే భరించారు. అయితే ఇలాంటి విషయాల్ని ప్రచారం చేసుకోవడానికి రజనీ ఇష్టపడరు. కానీ, ఇటీవల ఆయన సాయం పొందిన ఓ యువకుడు మీడియాతో మాట్లాడారు. ‘మా అమ్మ రజనీ సర్‌ ఇంట్లో పనిచేసేది. నా ఫీజులన్నీ ఆయనే కట్టారు. ఇప్పుడు ఆయన ఫ్యాన్‌ క్లబ్స్‌ ద్వారా పోస్టర్లు డిజైన్‌ చేస్తూ రుణం తీర్చుకుంటున్నా' అని అన్నారు. ఇటీవల చెన్నై నగరాన్ని వరదలు ముంచెత్తినప్పుడు రజనీ తన పుట్టినరోజు వేడుకల్ని రద్దు చేశారు. అంతేకాదు రూ.10 కోట్లు విరాళంగా ఇచ్చారు.
ఇబ్బందిపెట్టరు
ఏ కార్యక్రమమైనా, షూటింగ్‌ అయినా రజనీ సరైన సమయానికి స్పాట్‌లో ఉంటారు. ఇతరులు తన కోసం ఎదురుచూడటం ఆయనకు నచ్చదు. తామేంటో చూపించుకోవాలనే ఉద్దేశంతో కొందరు నటులు ఆలస్యంగా వస్తారు. అలాంటి రజనీ సినీ కెరీర్‌లో లేదని కోలీవుడ్‌ జనాలు అంటుంటారు.
డ్రైవింగ్ కూడా..
అందరి స్టార్స్‌లా రజనీ కాదు. తన వెంట ఎక్కువ మంది రావడాన్ని ఆయన ఇష్టపడరు. షూటింగ్‌ అయినా, ఈవెంట్‌ అయినా ఆడంబరం లేకుండా వస్తుంటారు. వీలు కుదిరినప్పుడల్లా తన కారుకు తానే డ్రైవింగ్ చేయడానికి ప్రాముఖ్యం ఇస్తుంటారు.
అన్నీ భద్రంగా..
రజనీకి ఏ వస్తువునైనా కొనే సత్తా ఉంది. కానీ ఆయన తన పాత వస్తువుల్ని, దుస్తుల్ని, కారుల్ని భద్రంగా దాచుకుంటారు. వస్తువుల విలువ తెలుసు కాబట్టే ఆయన వాటిని దూరం చేసుకోవడానికి ఇష్టపడరు.
ఇప్పటికీ..