Ajith Valimai movie trailer అభిమానులు ఎంతో ఆసక్తిగా ఎదురుచూస్తున్న 'వలిమై' ట్రైలర్ వచ్చేసింది. యాక్షన్ సన్నివేశాలతో ఆద్యంతం ఈ ప్రచార చిత్రం ఆకట్టుకుంటోంది. తమిళ స్టార్ హీరో అజిత్ నటించిన ఈ చిత్రం తెలుగు, తమిళం, హిందీ భాషల్లో త్వరలోనే విడుదల కానుంది. ఇందులో అజిత్ పోలీస్ అధికారిగా నటించగా, తెలుగు కథానాయకుడు కార్తికేయ విలన్గా అలరించనున్నారు. ఈ మూవీకి హెచ్ వినోద్ దర్శకత్వం వహించగా.. హ్యుమా ఖురేషి, యోగిబాబు తదితరులు కీలకపాత్రలు పోషించారు. యువన్‌ శంకర్‌రాజా స్వరాలు సమకూర్చారు. బేవ్యూ ప్రొజెక్ట్స్‌ పతాకంపై బోనీకపూర్‌ ఈ సినిమాను నిర్మించారు.
రజనీకాంత్ కొత్త సినిమా
Rajnikanth 169 movie: గతేడాది నవంబరులో 'అన్నాత్తే' చిత్రంతో ప్రేక్షకులను పలకరించిన తమిళ సూపర్స్టార్ రజినీకాంత్.. తన కొత్త సినిమాను ప్రకటించేశారు. దర్శకుడు నెల్సన్ దిలీప్కుమార్తో తన 169వ చిత్రాన్ని చేయనున్నట్లు ట్వీట్ చేసింది ప్రముఖ నిర్మాణ సంస్థ సన్పిక్చర్స్. అనిరూధ్ సంగీతం అందించబోతున్నట్లు పేర్కొంది. ఈ విషయాన్ని తెలియజేస్తూ ఓ స్పెషల్ వీడియోను పోస్ట్ చేసింది. ఇందులో రజనీ కొత్త లుక్ అదిరిపోయింది.
బలమైన కథతో పాటు ఆకట్టుకునే స్క్రీన్ప్లేతో ఈ సినిమా తెరకెక్కించనున్నారు. ఏప్రిల్ నెలాఖరు లేదా మే మొదటివారంలో ఈ సినిమా షూటింగ్ ప్రారంభమయ్యే అవకాశం ఉంది. ఈ ఏడాది డిసెంబరు లేదా వచ్చే ఏడాది ఫిబ్రవరిలో థియేటర్లలో రిలీజ్ అయ్యే అవకాశాలు ఉన్నాయి. ప్రస్తుతం దర్శకుడు నెల్సన్ దిలీప్కుమార్.. మరో స్టార్ హీరో విజయ్తో 'బీస్ట్' చిత్రాన్ని తెరకెక్కిస్తున్నారు.
ఇదీ చూడండి: బిగ్స్క్రీన్పైకి 'శక్తిమాన్'.. పవర్‌ఫుల్‌గా 'సన్ ఆఫ్‌ ఇండియా' ట్రైలర్
