సూపర్స్టార్ రజనీకాంత్ సినిమా వస్తోందంటే, అది ఎప్పుడైనా పండగ వాతావరణమే. మరి అదే సంక్రాంతి వస్తే ఆ హంగామాయే వేరుగా ఉంటుంది. ఈసారి అలానే రాబోతుంది. ఈ గురువారం ప్రేక్షకులను పలకరించనుంది. ఈ సందర్భంగా ఓ కంపెనీ తమ ఉద్యోగులకు బంపర్ ఆఫర్ ప్రకటించింది.
రజనీ 'దర్బార్' రిలీజ్.. ఉద్యోగులకు బంపర్ ఆఫర్
సూపర్స్టార్ 'దర్బార్' సినిమా విడుదల సందర్భంగా 'మై మనీ మంత్ర' సంస్థ.. తమ ఉద్యోగులకు సెలవుతో పాటు టికెట్లు ఇచ్చి సర్ప్రైజ్ చేసింది.
దర్బార్లో సూపర్స్టార్ రజనీకాంత్
'మై మనీ మంత్ర' సంస్థ.. ఉద్యోగులకు 'దర్బార్' టికెట్లు కొనివ్వడం సహా, పెయిడ్ లీవ్లు ప్రకటించింది. పొంగల్ బోనస్తో పాటు ఈ సదుపాయం అందిస్తున్నామని పేర్కొంది. గురువారం సెలవిస్తున్నామంటూ సర్కులర్ విడుదల చేసింది. ఇలా జరగడం ఇదేం తొలిసారి కాదు. ఇంతకు ముందు కొన్ని సంస్థలు రజనీ సినిమాల రిలీజ్కు టికెట్లు పంచడం, సెలవు ఇవ్వడం చేశాయి.
'దర్బార్'లో రజనీ.. ఆదిత్య అరుణాచలం అనే పోలీస్అధికారిగా కనిపించనున్నాడు. నయనతార హీరోయిన్. అనిరుధ్ రవిచందర్ సంగీతమందించాడు. ఏఆర్ మురుగదాస్ దర్శకత్వం వహించాడు. లైకా ప్రొడక్షన్స్ నిర్మించింది.