హీరో రజనీకాంత్​కు కొవిడ్ వ్యాక్సిన్ రెండో డోసు

'అన్నాత్తే' షూటింగ్​ పూర్తి చేసి, ఇంటికి చేరుకున్న రజనీకాంత్.. చెన్నైలోని ఓ ప్రైవేట్​ ఆస్పత్రిలో కొవిడ్ రెండో డోసు వ్యాక్సిన్ వేయించుకున్నారు. ఆ ఫొటోను సౌందర్య రజనీకాంత్ ట్విట్టర్​లో పంచుకుంది.

సూపర్​స్టార్ రజనీకాంత్.. కొవిడ్ రెండో డోసు వ్యాక్సిన్​ను తీసుకున్నారు. ఈ విషయాన్ని ట్వీట్ చేసిన రజనీ కుమార్తె సౌందర్య.. అందుకు సంబంధించిన ఫొటోను పోస్ట్ చేసింది. చెన్నైలోని ఓ ప్రైవేట్​ ఆస్పత్రిలో ఈయన వ్యాక్సిన్ వేయించుకున్నారు.

హైదరాబాద్​లోని రామోజీ ఫిల్మ్​సిటీలో 'అన్నాత్తే' షూటింగ్​లో గత కొన్నిరోజుల నుంచి విరామం లేకుండా పాల్గొన్నారు రజనీకాంత్. తన పాత్ర చిత్రీకరణ పూర్తి చేసుకుని మే 12న చెన్నైలోని తన ఇంటికి చేరుకున్నారు. 'అన్నాత్తే' .. ఈ ఏడాది దీపావళి కానుకగా ప్రేక్షకుల ముందుకు రానుంది.