రజినీ ఇంటికి రమ్మని అభిమానికి ఆహ్వానం

కొవిడ్​తో బాధపడుతున్న ఓ అభిమానికి ఆడియో మెసేజ్​ పంపించారు సూపర్​స్టార్ రజినీకాంత్. త్వరగా కోలుకోవాలని, దేవుడ్ని ప్రార్థిస్తున్నట్లు తెలిపారు.

కరోనా బారిన పడి చికిత్స పొందుతున్న ఓ వ్యక్తికి ఆడియో సందేశం పంపారు సూపర్​స్టార్ రజినీకాంత్. త్వరగా కోలుకోవాలని దేవుడ్ని ప్రార్థిస్తున్నట్లు అందులో చెప్పారు.

"మురళి, నేను రజినీకాంత్​ను మాట్లాడుతున్నాను. నీకు ఏం కాదు. ధైర్యంగా ఉండు. నేను దేవుడ్ని ప్రార్థిస్తాను. నువ్వు త్వరగా కోలుకుని ఇంటికి వస్తావు. పూర్తి ఆరోగ్యవంతుడైన తర్వాత కుటుంబంతో కలిసి నా దగ్గరకి రా. నీ బాగు కోసం నేను దేవుడ్ని ప్రార్థిస్తాను" -రజినీకాంత్ ఆడియో సందేశం

ఈ మెసేజ్​పై స్పందించిన మురళి.. సూపర్​స్టార్​కు ధన్యవాదాలు తెలియజేశారు. ఇటీవల చేసిన పరీక్షల్లో నెగిటివ్​ వచ్చిందని వెల్లడించారు. త్వరలో పూర్తి ఆరోగ్యం సంపాదిస్తానని ధీమా వ్యక్తం చేశారు.