చుట్టూ ఓ 40 భారీ ట్రక్కులు.. లారీలు.. మధ్యలో రజనీ.. సన్నివేశం ఏమై ఉంటుందో అర్థమయ్యే ఉంటుంది కదా. అక్కడ భారీ యాక్షన్ సీన్‌. రజనీ తన మార్క్‌ స్టైల్‌తో దుమ్ము దులిపేస్తున్నారు. ఈ భారీ యాక్షన్ హంగామాకు రామోజీ ఫిల్మ్‌సిటీ వేదికైంది. రజనీకాంత్ కథానాయకుడిగా శివ తీస్తున్న చిత్రం 'అణ్నాత్తే'. సన్‌ పిక్చర్స్‌ నిర్మిస్తోంది. నయనతార, కీర్తి సురేశ్ హీరోయిన్లు.
ప్రస్తుతం ఈ సినిమాలోని భారీ యాక్షన్ సన్నివేశాల చిత్రీకరణ జరుగుతోంది. ఓ పెద్ద బంగ్లా.. ఆ ముందున్న మైదానంలో భారీ వాహనాల మధ్య రజనీకాంత్ తదితరులపై దిలీప్‌ మాస్టర్‌ నేతృత్వంలో యాక్షన్ సన్నివేశాలను తెరకెక్కిస్తున్నారు.