పూరీ జగన్నాథ్ దర్శకత్వం వహించిన చిత్రం 'ఇస్మార్ట్ శంకర్'. ఇటీవలే విడుదలైన ఈ సినిమా ప్రేక్షకుల్ని ఆకట్టుకుంటోంది. తొలి మూడు రోజుల్లోనే రూ.36 కోట్లకు పైగా గ్రాస్ వసూలు చేసింది. శనివారం ఈ చిత్రబృందంతో సక్సెస్ పార్టీ చేసుకున్నాడు దర్శకుడు రామ్గోపాల్ వర్మ. తమ సందడికి హీరో రజనీకాంత్ స్పందన చూడండి అంటూ ఓ వీడియోనూ పోస్ట్ చేశాడు.
'చంద్రముఖి' సినిమాలో క్లైమాక్స్ సీన్ను.. తమ పార్టీ సన్నివేశాలతో కలిపిన ఈ వీడియో నెటిజన్లను అలరిస్తోంది.